മെൽബൺ: ഇന്ത്യൻ താരം ലിയാൻഡര്‍ പെയ്‌സിന്‍റെ അവസാന ഓസ്‌ട്രേലിയന്‍ ഓപ്പണ്‍ പോരാട്ടം രണ്ടാം റൗണ്ടില്‍ പൂര്‍ത്തിയായി. മിക്‌സഡ് ഡബിള്‍സില്‍ പെയ്‌സ്- യെലേന ഒസ്റ്റാപെങ്കോ സഖ്യം ബ്രിട്ടീഷ്-അമേരിക്കന്‍ കൂട്ടുകെട്ടായ ജാമി മുറെ-ബഥനി മാറ്റെക് സാന്‍ഡ് സഖ്യത്തോട് 6-2, 7-5ന് തോറ്റു.
2017ല്‍ ലാത്വിയയുടെ യെലേനയ്‌ക്കൊപ്പം പെയ്‌സ് ഫ്രഞ്ച് ഓപ്പണ്‍ ചാമ്പ്യനായിട്ടുണ്ട്. ഇത്തവണയും സഖ്യം മികച്ച രീതിയിൽ പൊരുതിയെങ്കിലും ക്വാർട്ടർ കാണാൻ കഴിയാതെ പുറത്താകുകയായിരുന്നു. ഈ വര്‍ഷം പ്രഫഷണല്‍ ടെന്നീസില്‍നിന്ന് വിരമിക്കുമെന്ന് 46 കാരനായ പെയ്‌സ് പ്രഖ്യാപിച്ചിട്ടുണ്ട്.
മറ്റൊരു മിക്‌സഡ് ഡബിള്‍സില്‍ ഇന്ത്യയുടെ രോഹന്‍ ബൊപ്പണ്ണ സഖ്യം ബുധനാഴ്ച ഇറങ്ങുന്നുണ്ട്.
