അമിത ചാർജിന് പൂട്ടിട്ടു..!  ഓ​ട്ടോ​റി​ക്ഷ​ക​ളി​ലെ മീ​റ്റ​റിലെ തട്ടിപ്പിന് തടയിടാൻ സീ​ലിം​ഗ് ന​ട​പ​ടി​ക​ളുമായി ലീഗൽ മെട്രോളജി വകുപ്പ്

സ്വ​ന്തം ലേ​ഖ​ക​ൻ
ഒ​ള​രി​ക്ക​ര: ഓ​ട്ടോ​റി​ക്ഷ​ക​ളി​ൽ മീ​റ്റ​ർ സീ​ലിം​ഗ് ന​ട​പ​ടി​ക​ൾ ആ​രം​ഭി​ച്ചു. ഒ​ള​രി​ക്ക​ര​യി​ലെ ലീ​ഗ​ൽ മെ​ട്രോ​ള​ജി വ​കു​പ്പി​ന്‍റെ ഓ​ഫീ​സ് പ​രി​സ​ര​ത്താ​ണ് ന​ട​പ​ടി​ക​ൾ.

ഇ​തി​നോ​ട​കം ജി​ല്ല​യി​ലെ നൂ​റു ക​ണ​ക്കി​ന് ഓ​ട്ടോ​റി​ക്ഷ​ക​ൾ​ക്ക് മെ​ക്കാ​നി​ക്ക​ൽ ഫെ​യ​ർ മീ​റ്റ​റും ഇ​ല​ക്ട്രോ​ണി​ക് ഫെ​യ​ർ മീ​റ്റ​റും വ​കു​പ്പി​ന്‍റെ സീ​ൽ ചെ​യ്തു ക​ഴി​ഞ്ഞു.

പു​തി​യ മീ​റ്റ​റു​ക​ൾ സ്ഥാ​പി​ക്കാ​ത്ത ഓ​ട്ടോ​റി​ക്ഷ​ക​ൾ​ക്ക് ര​ണ്ടാ​യി​രം രൂ​പ വ​രെ പി​ഴ ഈ​ടാ​ക്കും. മീ​റ്റ​റി​ൽ പു​തി​യ നി​ര​ക്ക് പു​ന​ക്ര​മീ​ക​രി​ക്കു​ന്ന പ്ര​വൃ​ത്തി ചെ​യ്യാ​ൻ ലൈ​സ​ൻ​സി​ക​ൾ​ക്ക് മാ​ത്ര​മാ​ണ് അ​നു​മ​തി​യു​ള്ള​ത്.

മീ​റ്റ​റി​ൽ പു​തി​യ നി​ര​ക്ക് ക്ര​മീ​ക​രി​ച്ച് മീ​റ്റ​ർ സീ​ൽ ചെ​യ്യാ​നെ​ത്തു​ന്ന ഓ​ട്ടോ​റി​ക്ഷ​ക​ൾ ഒ​ള​രി​യി​ൽനി​ന്ന് ചേ​റ്റു​പു​ഴവ​രെ ഓ​ടി​ച്ച് മീ​റ്റ​ർ ശ​രി​യാം വി​ധം പ്ര​വ​ർ​ത്തി​ക്കു​ന്നു​ണ്ടോ എ​ന്ന് പ​രി​ശോ​ധി​ക്കും.

മീ​റ്റ​ർ ശ​രി​യാ​ണെ​ങ്കി​ൽ റോ​ഡ് ടെ​സ്റ്റി​നു ശേ​ഷം ഈ​യം ഉ​രു​ക്കി​യൊ​ഴി​ച്ച് സ്റ്റെ​യി​ൻ​ലെ​സ് സ്റ്റീ​ൽ ത്രെ​ഡ​ഡ് വ​യ​റും സ്ക്വ​യ​ർ ലെ​ഡും ഉ​പ​യോ​ഗി​ച്ചാ​ണ് മീ​റ്റ​റു​ക​ൾ സീ​ൽ ചെ​യ്യു​ന്ന​ത്.

ലൈ​സ​ൻ​സി​ല്ലാ​ത്ത സ്ഥാ​പ​ന​ങ്ങ​ളി​ൽ മീ​റ്റ​റു​ക​ൾ നി​ര​ക്ക് ക്ര​മീ​ക​ര​ണം ന​ട​ത്തു​ക​യോ മീ​റ്റ​റു​ക​ളു​ടെ അ​റ്റ​കു​റ്റ​പ്പ​ണി​ക​ൾ ന​ട​ത്തു​ക​യോ ചെ​യ്യ​രു​തെ​ന്ന് അ​ധി​കൃ​ത​ർ പ​റ​യു​ന്നു.

ഇത്തരം സ്ഥാ​പ​ന​ങ്ങ​ളി​ൽനി​ന്ന് മീ​റ്റ​റു​ക​ൾ ക്ര​മീ​ക​രി​ക്കു​ന്ന​ത് ശ്ര​ദ്ധ​യി​ൽ പെ​ട്ടാ​ൽ ക​ർ​ശ​ന ന​ട​പ​ടി സ്വീ​ക​രി​ക്കും.
ഓ​ട്ടോ​റി​ക്ഷ​ക​ളി​ൽ മീ​റ്റ​ർ നി​ർ​ബ​ന്ധ​മാ​യും പ്ര​വ​ർ​ത്തി​പ്പി​ക്ക​ണ​മെ​ന്നും നി​യ​മ​നു​സൃ​ത​മാ​യ ചാ​ർ​ജ് മാ​ത്ര​മേ യാ​ത്ര​ക്കാ​രി​ൽ നി​ന്നും ഈ​ടാ​ക്കാ​വൂ​വെ​ന്നും അ​ല്ലാ​ത്ത പ​ക്ഷം നി​യ​മ​ന​ട​പ​ടി​ക​ളു​ണ്ടാ​കു​മെ​ന്നും ലീ​ഗ​ൽ മെ​ട്രോ​ള​ജി വ​കു​പ്പ് അ​ധി​കൃ​ത​ർ ഓ​ട്ടോ​ഡ്രൈ​വ​ർ​മാ​രോ​ടു പ​റ​ഞ്ഞു.

അ​മി​ത ചാ​ർ​ജ് ഈ​ടാ​ക്കാ​തി​രി​ക്കാ​ൻ ഓ​ട്ടോ​റി​ക്ഷ​ക​ളി​ൽ അ​ടു​ത്ത മാ​സം മു​ത​ൽ ഓ​ട്ടോ ഫെ​യ​ർ ചാ​ർ​ജ് ചാ​ർ​ട്ട് നി​ർ​ബ​ന്ധ​മാ​യി പ്ര​സി​ദ്ധ​പ്പെ​ടു​ത്ത​ണ​മെ​ന്ന് നി​ർ​ദേശം ന​ൽ​കി​യി​ട്ടു​ണ്ട്.