ഏയ് ഓട്ടോ..! നീണ്ട പരാജയങ്ങൾക്ക്  അറുതിയിടാൻ കളക്ടർ പി.കെ സുധീർബാബു; സെപ്റ്റംബർ ഒന്ന് മുതൽ കോട്ടയം നഗരത്തിലെ ഓട്ടോകൾക്ക് മീറ്റർ നിർബന്ധമാക്കുന്നു

കോ​ട്ട​യം: മു​ൻ ക​ള​ക്‌‌ടർ​മാ​രും ആ​ർ​ഡി​ഒ​മാ​രും ശ്ര​മി​ച്ചി​ട്ട് ന​ട​ക്കാ​ത്ത ഓ​ട്ടോ മീ​റ്റ​ർ വീ​ണ്ടും ന​ട​പ്പാ​ക്കാ​ൻ തീ​രു​മാ​നം.
സെ​പ്റ്റം​ബ​ർ ഒ​ന്നു​മു​ത​ൽ ഓ​ട്ടോ​റി​ക്ഷ​ക​ൾ​ക്ക് മീ​റ്റ​ർ നി​ർ​ബ​ന്ധ​മാ​ക്കാ​നാ​ണ് ജി​ല്ലാ ക​ള​ക്ട​ർ പി.​കെ.​സു​ധീ​ർ​ബാ​ബു വി​ളി​ച്ചു ചേ​ർ​ത്ത യോ​ഗ​ത്തി​ൽ തീ​രു​മാ​നി​ച്ച​ത്. ഓ​ട്ടോ തൊ​ഴി​ലാ​ളി യൂ​ണി​യ​ൻ നേ​താ​ക്ക​ളു​മാ​യി ന​ട​ത്തി​യ ച​ർ​ച്ച​യി​ലാ​ണ് മീ​റ്റ​ർ നി​ർ​ബ​ന്ധ​മാ​ക്കു​ന്ന​തി​ന് ധാ​ര​ണ​യാ​യ​ത്.

മീ​റ്റ​ർ ഇ​ല്ലാ​തെ സ​ർ​വീ​സ് ന​ട​ത്തു​ന്ന ഓ​ട്ടോ​റി​ക്ഷ​ക​ൾ അ​മി​ത നി​ര​ക്ക് ഈ​ടാ​ക്കു​ന്ന​തായി പ​രാ​തി​ക​ൾ വ്യാ​പ​ക​മാ​യ സാ​ഹ​ച​ര്യ​ത്തി​ലാ​ണ് തീ​രു​മാ​നം. എ​ന്നാ​ൽ മു​ൻ​പ് ന​ട​പ്പാ​ക്കാ​ൻ ശ്ര​മി​ച്ച് പ​രാ​ജ​യ​പ്പെ​ട്ട​താ​ണ് ഇ​ക്കാ​ര്യം. ക​ള​ക്‌‌ടറേ​റ്റി​ൽ ന​ട​ന്ന ച​ർ​ച്ച​യി​ൽ ജി​ല്ലാ പോ​ലീ​സ് ചീ​ഫ് പി.​എ​സ്. സാ​ബു, അ​സി​സ്റ്റ​ന്‍റ് ക​ള​ക്ട​ർ ശി​ഖ സു​രേ​ന്ദ്ര​ൻ, ആ​ർ​ടി​ഒ വി.​എം. ചാ​ക്കോ എ​ന്നി​വ​രും പ​ങ്കെ​ടു​ത്തു.

ട്രാ​ൻ​സ്പോ​ർ​ട്ട് ക​മ്മീ​ഷ​ണ​റു​ടെ 2018 ഡി​സം​ബ​ർ 11ലെ ​ഉ​ത്ത​ര​വി​ന്‍റെ അ​ടി​സ്ഥാ​ന​ത്തി​ലാ​ണ് മീ​റ്റ​ർ നി​ർ​ബ​ന്ധ​മാ​ക്കു​ന്ന​ത്. സെ​പ്റ്റം​ബ​ർ ഒ​ന്നി​നു​ശേ​ഷം മീ​റ്റ​ർ ഇ​ല്ലാ​തെ സ​ർ​വീ​സ് ന​ട​ത്തു​ന്ന ഓ​ട്ടോ​റി​ക്ഷ​ക​ൾ​ക്കെ​തി​രെ ന​ട​പ​ടി സ്വീ​ക​രി​ക്കും. കോ​ട്ട​യം മു​നി​സി​പ്പാ​ലി​റ്റി​യി​ൽ സ​ർ​വീ​സ് ന​ട​ത്തു​ന്ന​തി​ന് പെ​ർ​മി​റ്റു​ള്ള ഓ​ട്ടോ​റി​ക്ഷ​ക​ൾ മാ​ത്ര​മേ ന​ഗ​ര​പ​രി​ധി​ക്കു​ള്ളി​ൽ​നി​ന്ന് യാ​ത്ര​ക്കാ​രെ ക​യ​റ്റാ​ൻ പാ​ടു​ള്ളൂ.

പു​റ​ത്തു​നി​ന്നു​ള്ള ഓ​ട്ടോ​റി​ക്ഷ​ക​ൾ കോ​ട്ട​യം ന​ഗ​ര​ത്തി​നു​ള്ളി​ൽ അ​ന​ധി​കൃ​ത സ​ർ​വീ​സ് ന​ട​ത്തു​ന്നി​ല്ലെ​ന്ന് ഉ​റ​പ്പാ​ക്കും.നി​യ​മ ലം​ഘ​ന​ങ്ങ​ൾ ക​ണ്ടെ​ത്തി ന​ട​പ​ടി സ്വീ​ക​രി​ക്കു​ന്ന​തി​ന് പോ​ലീ​സി​നെ​യും ഗ​താ​ഗ​ത വ​കു​പ്പി​നെ​യും ചു​മ​ത​ല​പ്പെ​ടു​ത്തി. നി​യ​മം ജി​ല്ല​യി​ൽ സു​ഗ​മ​മാ​യി ന​ട​പ്പാ​ക്കു​ന്ന​തി​ന് ഓ​ട്ടോ​റി​ക്ഷാ തൊ​ഴി​ലാ​ളി​ക​ളും പൊ​തു​ജ​ന​ങ്ങ​ളും സ​ഹ​ക​രി​ക്ക​ണ​മെ​ന്ന് ജി​ല്ലാ ക​ള​ക്ട​ർ അ​റി​യി​ച്ചു. മു​നി​സി​പ്പാ​ലി​റ്റി, റെ​യി​ൽ​വേ, ട്രാ​ഫി​ക്, പൊ​തു​മ​രാ​മ​ത്ത് റോ​ഡ്സ് വി​ഭാ​ഗം എ​ന്നി​വ​യു​ടെ പ്ര​തി​നി​ധി​ക​ളും യോ​ഗ​ത്തി​ൽ പ​ങ്കെ​ടു​ത്തു.