തിരുവനന്തപുരം: ഓട്ടോ, ടാക്സി നിരക്കുകൾ വർധിപ്പിക്കണമെന്ന് ശിപാർശ. ജസ്റ്റീസ് രാമചന്ദ്രൻ നായർ കമ്മീഷനാണ് നിരക്ക് വർധനവ് സംബന്ധിച്ചു സർക്കാരിനു ശിപാർശ സമർപ്പിച്ചത്.
ഓട്ടോറിക്ഷ മിനിമം ചാർജ് 20 രൂപയിൽനിന്ന് 30 രൂപയാക്കണമെന്നും ടാക്സി നിരക്ക് 150 രൂപയിൽനിന്ന് 200 ആക്കണമെന്നുമാണ് കമ്മീഷൻ സമർപ്പിച്ച റിപ്പോർട്ടിൽ പറയുന്നത്. കിലോമീറ്റർ ചാർജിലും വർധനവ് നിർദേശിക്കുന്നുണ്ട്.
റിപ്പോർട്ട് അടുത്ത മന്ത്രിസഭാ യോഗം പരിഗണിച്ചേക്കുമെന്നാണു സൂചന.
