സിനിമയാണെങ്കിലും അതിലെ കഥാപാത്രത്തോട് അത് കാണുന്ന പ്രേക്ഷകന് എന്തെങ്കിലും തരത്തിലുള്ള ഒരു വികാരം തോന്നുന്നുണ്ടെങ്കില്‍ അവിടെയാണ് ആ സിനിമയുടെയും ആ കഥാപാത്രത്തെ അഭിനയിച്ച് ഫലിപ്പിച്ച നടന്റെ അല്ലെങ്കില്‍ നടിയുടെയും വിജയം. സമീപകാലത്ത് ഇത്തരത്തില്‍ പ്രേക്ഷകശ്രദ്ധ നേടിയ കഥാപാത്രമാണ് പ്രേമം എന്ന ചിത്രത്തിലെ മലര്‍ ടീച്ചര്‍. മലയാള യുവമനസുകളിലേക്ക് മലര്‍ ടീച്ചര്‍ വളരെപെട്ടെന്ന് കടന്നുകൂടി. മലര്‍ എന്ന കഥാപാത്രം ഹിറ്റായതോടുകൂടി സായി പല്ലവിക്കും ആരാധകരേറി. ഇപ്പോഴിതാ ഒരു ട്വീറ്റ് കണ്ട് ആകെ ത്രില്ലടിച്ചിരിക്കുകയാണ് സായ് പല്ലവി.
ബോളിവുഡ് നടനും ഗായകനുമായ നടന്‍ ആയുഷ്മാന്‍ ഖുറാനയാണ് ട്വീറ്റിനു പിന്നില്‍. ബോളിവുഡ് നടനുപോലും താന്‍ അവതരിപ്പിച്ച കഥാപാത്രത്തോട് പ്രേമം തോന്നിയെങ്കില്‍ പിന്നെങ്ങെനെ ത്രില്ലടിക്കാതിരിക്കും. പ്രേമം എന്ന ചിത്രത്തിലെ മലരേ എന്ന പാട്ട് കണ്ടുവെന്നും ലളിതവും മനോഹരവുമാണ് സായി എന്നുമായിരുന്നു അദ്ദേഹത്തിന്റെ ട്വീറ്റ്. നന്ദി പറഞ്ഞു കൊണ്ട് സായി പല്ലവി റീട്വീറ്റ് ചെയ്തു.
പിന്നാലെയെത്തി അദ്ദേഹത്തിന്റെ മറുപടി. ഈ യഥാര്‍ഥ ഭംഗിയും സ്വത്വവും യാഥാര്‍ഥ്യം കൈവിടാതെ തന്നെ സ്‌ക്രീനിലും എന്നും നിലനിര്‍ത്തണം എന്നായിരുന്നു ആയുഷ്മാന്‍ ഖുറാനയുടെ ട്വീറ്റ്. പരമാവധി ശ്രമിക്കാമെന്ന് സായി മറുപടിയും നല്‍കി. ബോളിവുഡില്‍ പോലും ഇപ്പോഴും മലരിന്റെ ആ പാട്ടിന് പ്രേക്ഷകരുണ്ട് എന്നത് ആ ചിത്രത്തിനും സംവിധായകനുമുള്ളൊരു അംഗീകാരമാണ്.
#AyushmannMusicRecco Listen to this Malayalam gem, Premem Malare. In the video Sai Pallavi is so simple, raw & cute ?https://t.co/VUsCzJ8HwT
— Ayushmann Khurrana (@ayushmannk) March 19, 2017
@ayushmannk Thank u so much ☺️
— Sai Pallavi (@Sai_Pallavi92) March 20, 2017
@ayushmannk I’ll definitely try !!! ? Thank u again for the kind words ?
— Sai Pallavi (@Sai_Pallavi92) March 20, 2017
