പ്രേമിച്ച് വിവാഹം കഴിച്ചിട്ട് ഏഴുമാസം; ക​ട​ലി​ൽ ചാ​ടി ജീ​വ​നൊ​ടു​ക്കാ​ൻ എ​ത്തി​യ യുവതിക്ക് രക്ഷകരായി ആ​ഴി​മ​ല​ ക്ഷേ​ത്ര ഭാ​ര​വാ​ഹി​കൾ

വി​ഴി​ഞ്ഞം: വീ​ട്ടു​കാ​ര​റി​യാ​തെ ക​ട​ലി​ൽ ചാ​ടി ജീ​വ​നൊ​ടു​ക്കാ​ൻ എ​ത്തി​യ യു​വ​തി​ക്ക് ആ​ഴി​മ​ല​ ക്ഷേ​ത്ര ഭാ​ര​വാ​ഹി​ക​ളു​ടെ അ​വ​സ​രോ​ചി​ത​മാ​യ ഇ​ട​പെ​ട​ൽ പി​ന്തി​രി​പ്പി​ച്ചു.

ഉ​ദ്യ​മ​ത്തി​ൽ നി​ന്ന് പി​ന്തി​രി​പ്പി​ച്ച ശേ​ഷം യു​വ​തി​യെ പോ​ലീ​സി​ന്‍റെ സ​ഹാ​യ​ത്തോ​ടെ ഭ​ർ​ത്താ​വി​നൊ​പ്പം വി​ട്ട​യ​ച്ചു. ഇ​ന്ന​ലെ രാ​വി​ലെ ഏ​ഴ​ര​യോ​ടെ വി​ഴി​ഞ്ഞം ആ​ഴി​മ​ല​യി​ലാ​ണ് സം​ഭ​വം.

വ​ട്ട​പ്പാ​റ സ്വ​ദേ​ശി​യാ​യ യു​വ​തി​യാ​ണ് ക​ട​ലി​ൽ ചാ​ടാ​നാ​യി എ​ത്തി​യ​ത്. ക്ഷേ​ത്ര​ത്തി​ന് സ​മീ​പ​ത്ത് നി​ന്ന് അ​പ​ക​ടം നി​റ​ഞ്ഞ പാ​റ​ക്കൂ​ട്ട​ങ്ങ​ളി​ലേ​ക്ക് പോ​കാ​നി​റ​ങ്ങി​യ യു​വ​തി തൊ​ട്ട​ടു​ത്ത് ക​ണ്ട ലോ​ട്ട​റി ക​ച്ച​വ​ട​ക്കാ​ര​നോ​ട് ഫോ​ൺ വി​ളി​ക്കാ​നു​ള്ള സ​ഹാ​യം തേ​ടി.

ഫോ​ൺ​സം​സാ​ര​ത്തി​ൽ പ​ന്തി​കേ​ട് തോ​ന്നി​യ ക​ച്ച​വ​ട​ക്കാ​ര​ൻ ഉ​ട​ൻ ത​ന്നെ ക്ഷേ​ത്ര സെ​ക്ര​ട്ട​റി​യെ വി​വ​ര​മ​റി​യി​ച്ചു. ഓ​ടി​യെ​ത്തി​യ ക്ഷേ​ത്ര ഭാ​ര​വാ​ഹി​ക​ൾ തീ​ര​ത്തേ​ക്ക് ഇ​റ​ങ്ങി​യ യു​വ​തി​യെ ത​ട​ഞ്ഞ് നി​ർ​ത്തി കാ​ര്യ​മ​ന്വേ​ഷി​ച്ചു.

ഏ​ഴ് മാ​സ​ങ്ങ​ൾ​ക്ക് മു​ൻ​പ് പ്രേ​മി​ച്ച് വി​വാ​ഹി​ത​യാ​യ യു​വ​തി അ​ഞ്ച് മാ​സം ഗ​ർ​ഭി​ണി​യാ​ണെ​ന്നും വീ​ടു​വ​യ്പു​മാ​യു​ള്ള പ്ര​ശ്ന​മാ​ണ് ക​ടും​കൈ​ക്ക് പ്രേ​രി​പ്പി​ച്ച​തെ​ന്നും സ​ഹാ​യി​ക്കാ​നെ​ത്തി​യ​വ​രെ അ​റി​യി​ച്ചു.

തീ​രു​മാ​ന​ത്തി​ൽ നി​ന്ന് പി​ന്തി​രി​പ്പി​ച്ച് സ​മാ​ധാ​ന​പ്പെ​ടു​ത്തി​യ ശേ​ഷം യു​വ​തി​യെ ക​മ്മി​റ്റി ഓ​ഫീ​സി​ൽ എ​ത്തി​ച്ചു.​തു​ട​ർ​ന്ന് വീ​ട്ടു​കാ​രെ​യും പോ​ലീ​സി​നെ​യും വി​വ​ര​മ​റി​യി​ച്ചു വി​ഴി​ഞ്ഞം​സ്റ്റേ​ഷ​നി​ൽ എ​ത്തി​ച്ച യു​വ​തി​യെ ഭ​ർ​ത്താ​വി​നോ​ടൊ​പ്പം വി​ട്ട​യ​ച്ചു.