തൃപ്പൂണിത്തുറ: യുഡിഎഫ് സ്ഥാനാർഥി കെ.ബാബുവിന്‍റെ വിജയത്തിനായി വഴിപാടുകളും നേർച്ചകളുമായി പ്രവർത്തകർ.
തൃപ്പൂണിത്തുറ ശ്രീപൂർണത്രയീശ ക്ഷേത്രത്തിൽ മാത്രം 88 പുഷ്പാഞ്ജലികളാണ് ഭക്തർ കെ. ബാബുവിന്‍റെ വിജയത്തിനായി നേർന്നിരിക്കുന്നത്.
മറ്റു നേർച്ചകൾക്ക് പുറമെയാണിത്. കെ.ബാബുവിന് കെട്ടിവയ്ക്കാനുള്ള തുക നൽകിയത് ശബരിമല മുൻ മേൽശാന്തി ഏഴിക്കോട് ശശി നമ്പൂതിരിയായിരുന്നു.
ഇന്നലെ സ്വകാര്യ സന്ദർശനത്തിനാണ് കെ.ബാബു മുൻഗണന നൽകിയത്. രാവിലെ ആറര മുതൽ മണ്ഡലത്തിൽ ഓട്ടപ്രദക്ഷിണം നടത്തി. ബൂത്തുതല പ്രവർത്തകരുമായി കൂടിയാലോചനകളും നടത്തി.
