പെറ്റമ്മമാര്‍ ഉപേക്ഷിച്ചു പോകുന്ന പിഞ്ചു കുഞ്ഞുങ്ങളുടെ എണ്ണം വര്‍ധിക്കുന്നു; മലപ്പുറത്ത് അഞ്ചു വര്‍ഷത്തിനകം ദത്ത് നല്‍കിയത് നൂറോളം കുഞ്ഞുങ്ങളെ

മ​ഞ്ചേ​രി: പെ​റ്റ​മ്മ​മാ​ർ ഉ​പേ​ക്ഷി​ച്ചു പോ​കു​ന്ന പി​ഞ്ചു കു​ഞ്ഞു​ങ്ങ​ളു​ടെ എ​ണ്ണം വ​ർ​ധി​ക്കു​ന്നു. ഇ​ന്ന​ലെ ര​ണ്ട് കു​ഞ്ഞു​ങ്ങ​ളെ​യാ​ണ് ഉ​പേ​ക്ഷി​ച്ച നി​ല​യി​ൽ മ​ഞ്ചേ​രി​യി​ലെ ചൈ​ൽ​ഡ് വെ​ൽ​ഫെ​യ​ർ ക​മ്മി​റ്റി മു​ന്പാ​കെ എ​ത്തി​ച്ച​ത്. ഒ​രാ​ഴ്ച​യ്ക്ക​കം അ​ഞ്ചു കു​ട്ടി​ക​ളാ​ണ് ഉ​പേ​ക്ഷി​ക്ക​പ്പെ​ട്ട​ത്.

ഇ​ന്ന​ലെ പൊ​ന്നാ​നി സ്വ​ദേ​ശി​യാ​യ മാ​താ​വ് ഏ​ഴു ദി​വ​സം പ്രാ​യ​മാ​യ പെ​ണ്‍​കു​ഞ്ഞി​നെ കു​റ്റി​പ്പു​റം ത​വ​നൂ​രി​ലെ ശി​ശു ക്ഷേ​മ സ​മി​തി ഓ​ഫീ​സി​ൽ ഏ​ൽ​പ്പി​ക്കു​ക​യാ​യി​രു​ന്നു. തൃ​ശൂ​ർ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​സ​വി​ച്ച പെ​ണ്‍​കു​ഞ്ഞി​നെ വ​ള​ർ​ത്താ​നാ​കി​ല്ലെ​ന്നു പ​റ​ഞ്ഞു യു​വ​തി​യാ​യ മാ​താ​വ് ഓ​ഫീ​സി​ൽ നേ​രി​ട്ടെ​ത്തി​യാ​ണ് കൈ​മാ​റി​യ​ത്.

കാ​മു​ക​നാ​ൽ വ​ഞ്ചി​ക്ക​പ്പെ​ട്ട മ​റ്റൊ​രു യു​വ​തി പ്ര​സ​വി​ച്ചു മൂ​ന്നു മാ​സം ക​ഴി​ഞ്ഞാ​ണ് കു​ഞ്ഞി​നെ മ​ഞ്ചേ​രി​യി​ലെ​ത്തി സി​ഡ​ബ്ല്യു​സി​ക്ക് കൈ​മാ​റി​യ​ത്. രണ്ടു കു​ഞ്ഞു​ങ്ങ​ളെ​യും ചൈ​ൽ​ഡ് വെ​ൽ​ഫെ​യ​ർ ക​മ്മി​റ്റി ര​ണ്ട​ത്താ​ണി​യി​ലെ ശാ​ന്തി​ഭ​വ​നി​ൽ ഏ​ൽ​പ്പി​ച്ചു. നേ​ര​ത്തെ ല​ഭി​ച്ച മൂ​ന്നു കു​ഞ്ഞു​ങ്ങ​ളെ മ​ല​പ്പു​റം മൈ​ല​പ്പു​റ​ത്തു​ള്ള ശി​ശു​ഭ​വ​നി​ൽ ഏ​ൽ​പ്പി​ച്ചി​രു​ന്നു. മൂ​ന്നും ആ​ണ്‍​കു​ഞ്ഞു​ങ്ങ​ളാ​യി​രു​ന്നു.

തി​ങ്ക​ളാ​ഴ്ച​യാ​ണ് ഒരു കു​ട്ടി​യെ മ​ഞ്ചേ​രി മെ​ഡി​ക്ക​ൽ കോ​ള​ജ് ആ​ശു​പ​ത്രി​യോ​ട​നു​ബ​ന്ധി​ച്ചു​ള്ള അ​മ്മ​ത്തൊ​ട്ടി​ലി​ൽ ഉ​പേ​ക്ഷി​ക്ക​പ്പെ​ട്ട നി​ല​യി​ൽ ക​ണ്ടെ​ത്തി​യ​ത്. പ​ത്തു ദി​വ​സം പ്രാ​യ​മു​ള്ള കു​ഞ്ഞി​ന്‍റെ ആ​രോ​ഗ്യ​സ്ഥി​തി മെ​ച്ച​പ്പെ​ട്ട ശേ​ഷ​മാ​ണ് ശി​ശു​ക്ഷേ​മ സ​മി​തി​ക്ക് കൈ​മാ​റി​യ​ത്.

ര​ണ്ടാ​മ​ത്തെ കു​ഞ്ഞി​നെ ല​ഭി​ച്ച​ത് തി​രൂ​രി​ൽ നി​ന്നാ​യി​രു​ന്നു. തി​രൂ​ർ ജി​ല്ലാ ആ​ശു​പ​ത്രി​യി​ലെ ഡോ. ​കു​മാ​രി​സു​കു​മാ​ര​ന്‍റെ വീ​ടിന്‍റെ വ​രാ​ന്ത​യി​ൽ ഉ​പേ​ക്ഷി​ക്ക​പ്പെ​ട്ട നി​ല​യി​ലാ​യി​രു​ന്നു ഈ ​കു​ഞ്ഞി​നെ ല​ഭി​ച്ച​ത്. പോ​ലീ​സ്് സ​ഹാ​യ​ത്തോ​ടെ തി​രൂ​ർ ജി​ല്ലാ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച കു​ഞ്ഞി​നെ ശി​ശു​ക്ഷേ​മ സ​മി​തി​ക്ക് കൈ​മാ​റു​ക​യാ​യി​രു​ന്നു. മ​ഞ്ഞ​പ്പി​ത്ത ല​ക്ഷ​ണം ക​ണ്ട​തി​നെ തു​ട​ർ​ന്നു കു​ഞ്ഞ് കോ​ഴി​ക്കോ​ട് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ചി​കി​ത്സ​യി​ലാ​ണ്.

കോ​ഴി​ക്കോ​ട് മെ​ഡി​ക്ക​ൽ കോ​ള​ജ് പ​രി​സ​ര​ത്തെ അ​മ്മ​ത്തൊ​ട്ടി​ലി​ൽ നി​ന്നാ​ണ് മൂ​ന്നാ​മ​ത്തെ കു​ഞ്ഞി​നെ ല​ഭി​ച്ച​ത്. നാ​ലു ദി​വ​സം പ്രാ​യ​മു​ള്ള കു​ഞ്ഞി​നെ ഇ​ന്ന​ലെ​യാ​ണ് ് മൈ​ല​പ്പു​റം ശി​ശു​ഭ​വ​നി​ലേ​ക്ക് മാ​റ്റി​യ​ത്. ശി​ശു​ക്ഷേ​മ സ​മി​തി​യു​ടെ സം​ര​ക്ഷ​ണ​ത്തി​ലു​ള്ള കു​ഞ്ഞി​നെ തി​രി​കെ വാ​ങ്ങാ​ൻ മാ​താ​വി​നു അ​റു​പ​ത് ദി​വ​സം വ​രെ അ​നു​മ​തി​യു​ണ്ട്.

ഇ​തി​ന​കം മാ​താ​വ് ഏ​റ്റെ​ടു​ക്കാ​ൻ ത​യാ​റാ​കാ​ത്ത പ​ക്ഷം കു​ഞ്ഞി​നെ ദ​ത്ത് പൂ​ളി​ലേ​ക്ക് മാ​റ്റും. ഈ ​വ​ർ​ഷം 18 കു​ട്ടി​ക​ളെ ശി​ശു​ക്ഷേ​മ സ​മി​തി ദ​ത്ത് പൂ​ളി​ലേ​ക്കു മാ​റ്റി​യി​ട്ടു​ണ്ട്. ഇ​തി​ൽ 14 കു​ഞ്ഞു​ങ്ങ​ളു​ടെ അ​ഡോ​പ്ഷ​ൻ ന​ട​പ​ടി​ക​ൾ പൂ​ർ​ത്തി​യാ​യി വ​രു​ന്നു. അ​വ​ശേ​ഷി​ക്കു​ന്ന കു​ഞ്ഞു​ങ്ങ​ൾ അം​ഗ​പ​രി​മി​ത​രാ​യ​തി​നാ​ൽ ദ​ത്തെ​ടു​ക്കാ​ൻ എ​ത്തു​ന്ന​വ​ർ വി​മു​ഖ​ത കാ​ണി​ക്കു​ക​യാ​ണ്.

അ​ഞ്ചു വ​ർ​ഷ​ത്തി​ന​കം നൂ​റോ​ളം കു​ഞ്ഞു​ങ്ങ​ളെ ജി​ല്ല​യി​ൽ ദ​ത്ത് ന​ൽ​കി​യ​താ​യി ചൈ​ൽ​ഡ് വെ​ൽ​ഫെ​യ​ർ ക​മ്മി​റ്റി അം​ഗം ന​ജ്മ​ൽ​ബാ​ബു പ​റ​ഞ്ഞു. മാ​ന​ഹാ​നി ഭ​യ​ന്നു ന​വ​ജാ​ത ശി​ശു​ക്ക​ളെ കൊ​ല​പ്പെ​ടു​ത്തു​ന്ന​തും ച​പ്പു​ച​വ​റു​ക​ൾ​ക്കി​ട​യി​ലും മ​റ്റും ഉ​പേ​ക്ഷി​ക്കു​ന്ന​തും ശ്ര​ദ്ധ​യി​ൽ​പ്പെ​ട്ട​തി​നെ തു​ട​ർ​ന്ന് ജി​ല്ലാ ശി​ശു​ക്ഷേ​മ സ​മി​തി ദ​ത്ത്, ഫോ​സ്റ്റ​ർ കെ​യ​ർ എ​ന്നി​വ പ്രോ​ത്സാ​ഹി​പ്പി​ക്കു​ന്ന​തി​ന്‍റെ ഭാ​ഗ​മാ​യി ബോ​ധ​വ​ത്ക​ര​ണം സം​ഘ​ടി​പ്പി​ക്കാ​ൻ തീ​രു​മാ​നി​ച്ചി​ട്ടു​ണ്ട്.