പിന്നിൽ വൻ മാഫിയകൾ..! കു​ഞ്ഞി​നെ വി​റ്റ​ സം​ഭ​വത്തിൽ കൂടുതൽ അന്വേഷണത്തിനായി പ്ര​തി​കളെ കസ്റ്റഡിയിൽ വാങ്ങും; പ്ര​തി​ക​ളു​ടെ ഉ​ന്ന​ത മാ​ഫി​യാബ​ന്ധം സൂ​ചി​പ്പി​ക്കും വിധം പ്രമുഖ അഭിഭാഷകരാണ് കേസ് വാദിക്കാനെത്തുന്നത്

ആ​ല​ത്തൂ​ർ: ജ​നി​ച്ച് നാ​ലു​ദി​വ​സ​മാ​യ പെ​ണ്‍​കു​ഞ്ഞി​നെ ത​മി​ഴ്നാ​ട്ടി​ലെ​ത്തി​ച്ച് വി​റ്റ സം​ഭ​വ​ത്തി​ൽ റി​മാ​ൻ​ഡി​ൽ ക​ഴി​യു​ന്ന അ​ഞ്ചു പ്ര​തി​ക​ളെ​യും അ​ന്വേ​ഷ​ണ​ത്തി​ന്‍റെ ഭാ​ഗ​മാ​യി പോ​ലീ​സ് ഇ​ന്ന് ക​സ്റ്റ​ഡി​യി​ൽ വാ​ങ്ങും.​ മ​നു​ഷ്യ​ക്കട​ത്ത്, പ്ര​സ​വി​ച്ച കു​ഞ്ഞി​നെ ഉ​പേ​ക്ഷിക്കു​ക തു​ട​ങ്ങി​യ കു​റ്റ​ങ്ങ​ൾ​ക്കു ബാ​ല​പീ​ഡ​ന നി​രോ​ധ​ന​നി​യ​മ പ്ര​കാ​ര​മാ​ണ് ഇ​വ​ർ​ക്കെ​തി​രെ കേ​സെ​ടു​ത്തി​ട്ടു​ള്ള​ത്.

കു​ഞ്ഞി​ന്‍റെ അ​ച്ഛ​ൻ രാ​ജ​ൻ, ഇ​ട​നി​ല​ക്കാ​ര​ൻ ജ​നാ​ർ​ദന​ൻ എ​ന്നി​വ​ർ ആ​ല​ത്തൂ​ർ സ​ബ് ജ​യി​ലി​ലും കു​ഞ്ഞി​ന്‍റെ അ​മ്മ ബി​ന്ദു, മു​ത്ത​ശ്ശി വി​ജി, ഇ​ട​നി​ല​ക്കാ​രി സു​മ​തി എ​ന്നി​വ​ർ പാ​ല​ക്കാ​ട് സബ് ജ​യി​ലി​ലു​മാ​ണ് പ​തി​ന്നാലു ദി​വ​സ​ത്തെ റി​മാ​ൻ​ഡി​ൽ ക​ഴി​യു​ന്ന​ത്. ഇ​വ​രെ ഇ​ന്നു ക​സ്റ്റ​ഡി​യി​ൽ കി​ട്ട​ത്ത​ക്ക​വി​ധം പോ​ലീ​സ് നേ​ര​ത്തേ ന​ട​പ​ടി​ക​ൾ പൂ​ർ​ത്തിയാ​ക്കി​യി​രു​ന്നു.

സം​ഭ​വ​ത്തി​ലെ പ്ര​ധാ​ന സൂ​ത്ര​ധാ​ര​ൻ ഈ​റോ​ഡ് കൃ​ഷ്ണ​പാ​ള​യം ക​ക്ക​ൻന​ഗ​ർ നി​ത്യ​യി​ൽ ജ​നാ​ർ​ദന​നാണ്. ഇ​ട​നി​ല​ക്കാ​രി​യാ​ണ് ഈ​റോ​ഡ് പ​ഴ​യ റെ​യി​ൽ​വേ സ്റ്റേ​ഷ​ൻ റോ​ഡ് താ​മ​സ​ക്കാരി സു​മ​തി . ജ​നാ​ർദന​നി​ൽ നി​ന്നു ഒ​ന്നേ​കാ​ൽ ല​ക്ഷ​ത്തി​നു കു​ഞ്ഞി​നെ വാ​ങ്ങി​യ ക​വി​ത, ഭാ​ഗ്യ​ല​ക്ഷ്മി ​എ​ന്നി​വ​രെ ഇ​നി​യും പി​ടി​കൂ​ടാ​നു​ണ്ട്. പ്ര​തി​ക​ളു​ടെ ഉ​ന്ന​ത മാ​ഫി​യാബ​ന്ധം സൂ​ചി​പ്പി​ക്കുംവി​ധം പ്ര​മു​ഖ അ​ഭി​ഭാ​ഷക​രാ​ണ് ഇ​വ​ർ​ക്കാ​യി രം​ഗ​ത്തെ​ത്തി​യിരി​ക്കു​ന്ന​തെ​ന്നും അ​റി​യു​ന്നു.