മലപ്പുറം: എടവണ്ണയിൽ പതിനൊന്നു വയസുകാരനെ കാണാതായത് പരിഭ്രാന്തി പരത്തി.
പടിഞ്ഞാറെ ചാത്തല്ലൂർ സ്വദേശി പാറക്കൽ അഭിലാഷിന്‍റെ മകൻ ആദർശിനെയാണ് കാണാതായത്.
വീടിനുസമീപത്തെ മലമുകളിലേക്ക് കുട്ടികയറിയതായി സംശയം ഉണ്ടായതോടെ പോലീസും നാട്ടുകാരും പ്രദേശത്ത് തെരച്ചിൽ ഊർജിതമാക്കി.
മണിക്കൂറുകൾ നീണ്ട തെരച്ചിലിനൊടുവിൽ വീടിന് മുന്നിലെ റബർ തോട്ടത്തിൽ തന്നെ കുട്ടിയെ കണ്ടെത്തി. ഏഴ് മണിയോടെയാണ് കുട്ടിയെ കാണാതായത്.
അതിനിടെ കുട്ടിയെ തെരയാൻ പോയ സംഘത്തിൽ ഒരാളെ പാമ്പ് കടിച്ചു. കെ.ടി. ബഷീറിനാണ് പാന്പുകടിയേറ്റത്. ഇയാളെ സ്വകാര്യ ആശുപത്രിയിൽ പ്രവേശിപ്പിച്ചു.
