കോ​ട്ട​യം മെ​ഡി​ക്ക​ൽ കോ​ള​ജി​ലെ ബ​ഗി കാ​റു​ക​ൾ ക​ട്ട​പ്പു​റ​ത്ത് കയറിയിട്ട് നാലുമാസം; രോഗികളെ വി​വി​ധ പ​രി​ശോ​ധ​ന​ക​ൾ​ക്ക് യ​ഥാ സ​മ​യം​കൊ​ണ്ടു പോ​കാ​നോ ക​ഴി​യാ​തെ ബു​ദ്ധി​മു​ട്ടി ബന്ധുക്കൾ

ഗാ​ന്ധി​ന​ഗ​ർ: കോ​ട്ട​യം മെ​ഡി​ക്ക​ൽ കോ​ള​ജി​ലെ ബ​ഗി കാ​റു​ക​ൾ ക​ട്ട​പ്പു​റ​ത്ത്. നാ​ലു വാ​ഹ​ന​ങ്ങ​ളു​ള്ള​തി​ൽ ര​ണ്ടെ​ണ്ണ​മാ​ണ് ത​ക​രാ​ർ സം​ഭ​വി​ച്ച​തി​നാ​ൽ മാ​റ്റി​യി​ട്ടി​രി​ക്കു​ന്ന​ത്.

ട​യ​റി​ന്‍റെ​ പ്രശ്നവും ചി​ല നി​സാ​ര ത​ക​രാ​റുക​ളും മാ​ത്ര​മേ ഉ​ള്ളൂ​വെ​ന്നും ഇ​ത് പ​രി​ക്കു​ന്ന​തി​ന് ക​ന്പ​നി പ്ര​തി​നി​ധി​ക​ളെ അ​റി​യി​ച്ചി​ട്ടു​ണ്ടെ​ന്നും അ​വ​ർ എ​ത്തി​ച്ചേ​രാ​ത്ത​തുമാ​ണു പ്രശ്നമെന്നാണ് ആ​ശു​പ​ത്രി അ​ധി​കൃ​ത​ർ പ​റ​യു​ന്ന​ത്.

ര​ണ്ടു വ​ർ​ഷം മു​ന്പാ​ണ് ല​ക്ഷ​ക്ക​ണ​ക്കി​ന് രൂ​പാ വി​ല പി​ടി​പ്പു​ള്ള നാ​ലു ബ​ഗി കാ​റു​ക​ൾ മെ​ഡി​ക്ക​ൽ കോ​ള​ജി​ലെ​ത്തി​ച്ച​ത്. അ​ത്യാ​ഹി​ത വി​ഭാ​ഗ​ത്തി​ലെ​ത്തു​ന്ന ഗു​രു​ത​ര​മാ​യ രോ​ഗി​ക​ളെ പ്ര​ത്യേ​കി​ച്ച് ഹൃ​ദ്‌രോ​ഗി​ക​ളെ വാ​ർ​ഡു​ക​ളി​ലോ ബ​ന്ധ​പ്പെ​ട്ട വി​ഭാ​ഗ​ങ്ങ​ളി​ലോ എ​ത്തി​ക്കു​ന്ന​തി​നാ​ണ് ഈ ​വാ​ഹ​നം ക്ര​മീ​ക​രി​ച്ചി​രു​ന്ന​ത്.

എ​ന്നാ​ൽ വാ​ഹ​നം വ​ന്ന് ആ​ദ്യ​മാ​സ​ങ്ങ​ളി​ൽ ഡ്രൈ​വ​ർ ഇ​ല്ലാ​ത്ത​തി​നാ​ൽ ഓ​ടി​ക്കാ​ൻ ക​ഴി​യാ​തെ കി​ട​ന്നു. ഇ​തു രാ​ഷ്്ട്ര​ദീ​പി​ക റി​പ്പോ​ർ​ട്ട് ചെ​യ്തി​രു​ന്നു.

പി​ന്നീ​ട് ഡ്രൈ​വ​ർ​മാ​രെ താ​ൽ​ക്കാ​ലി​ക അ​ടി​സ്ഥാ​ന​ത്തി​ൽ നി​യ​മി​ച്ച ശേ​ഷ​മാ​ണ് ബ​ഗി കാ​റു​ക​ളു​ടെ പ്ര​യോ​ജ​നം രോ​ഗി​ക​ൾ​ക്ക് ല​ഭി​ക്കു​വാ​ൻ തു​ട​ങ്ങി​യ​ത്.

എ​ന്നാ​ൽ ത​ക​രാ​ർ മൂ​ലം വാ​ഹ​നം ഉ​പ​യോ​ഗി​ക്കാ​താ​യി​ട്ട് നാ​ലു മാ​സം പി​ന്നി​ട്ടി​രി​ക്കു​ക​യാ​ണ്. ഇ​തി​നാ​ൽ അ​ത്യാ​ഹി​ത വി​ഭാ​ഗ​ത്തി​ലെ​ത്തു​ന്ന രോ​ഗി​ക​ളെ ബ​ന്ധ​പ്പെ​ട്ട വി​ഭാ​ഗ​ങ്ങ​ളി​ൽ എ​ത്തി​ക്കാ​നോ, വി​വി​ധ പ​രി​ശോ​ധ​ന​ക​ൾ​ക്ക് യ​ഥാ സ​മ​യം​കൊ​ണ്ടു പോ​കാ​നോ ക​ഴി​യാ​തെ ബു​ദ്ധി​മു​ട്ടു​ക​യാ​ണ്.

ക​ഴി​ഞ്ഞ ആ​ഴ്ച​യി​ൽ അ​ത്യാ​ഹി​ത വി​ഭാ​ഗ​ത്തി​ലെ​ത്തി​യ രോ​ഗി​ക​ളെ ആം​ബു​ല​ൻ​സി​ൽനി​ന്ന് ഇ​റ​ക്കാ​ൻ വൈ​കി​യ​തി​ന്‍റെ പേ​രി​ൽ രോ​ഗി​ക​ളു​ടെ ബ​ന്ധു​ക്ക​ളും ജീ​വ​ന​ക്കാ​രു​മാ​യി വാ​ക്ക് ത​ർ​ക്ക​മു​ണ്ടാ​യി.

അ​ത്യാ​ഹി​ത വി​ഭാ​ഗ​ത്തി​ൽ നി​ന്നും രോ​ഗി​ക​ളെ ബ​ന്ധ​പ്പെ​ട്ട വാ​ർ​ഡു​ക​ളി​ലേ​ക്കു സ്ട്രേ​ച്ച​റു​ക​ളി​ലോ വീ​ൽ ചെ​യ​റു​ക​ളി​ലോ ത​ള്ളി​ക്കൊ​ണ്ട് പോ​കു​ന്ന​താ​ണ് രീ​തി.

രോ​ഗി​യു​ടെ ആ​രോ​ഗ്യ​നി​ല മോ​ശ​മാ​കു​ന്ന ചി​ല സ​ന്ദ​ർ​ഭ​ങ്ങ​ളി​ൽ ഇ​വ​രെ ബ​ഗി കാ​റു​ക​ളി​ലാ​ണ് വാ​ർ​ഡു​ക​ളി​ലെ​ത്തി​ക്കു​ന്ന​ത്. കൂ​ടാ​തെ കോ​വി​ഡ് രോ​ഗി​ക​ളെ കൊ​ണ്ടു പോ​കു​ന്ന​തും ഈ ​വാ​ഹ​നത്തി​ലാ​യി​രു​ന്നു.