ഹൈദരാബാദ്: പ്രണയംനടിച്ചു പെണ്‍കുട്ടിയെ വഞ്ചിച്ച കേസിൽ ബാഹുബലി നടനെതിരേ പോലീസ് കേസ്. വെങ്കട് പ്രസാദ് എന്ന നടനെതിരേയാണ് ഹൈദരാബാദ് ജൂബിലി ഹിൽസ് പോലീസ് കേസ് രജിസ്റ്റർ ചെയ്തത്.
വിവാഹവാഗ്ദാനം നൽകി വെങ്കട് ഒരു വർഷമായി ലൈംഗികമായി പീഡിപ്പിച്ചെന്നു കാട്ടിയാണ് യുവതി പോലീസിൽ പരാതി നൽകിയത്. അടുത്തിടെ വിവാഹം കഴിക്കണമെന്ന് ആവശ്യപ്പെട്ടപ്പോൾ ഇയാൾ ഭീഷണിപ്പെടുത്തിയെന്നും യുവതിയുടെ പരാതിയിലുണ്ട്. ഹൈദരാബാദിലെ ഐമാക്സ് മൾട്ടിപ്ലക്സിന്‍റെ ഉടമ കൂടിയാണ് പ്രസാദ്. യുവതിയുടെ പരാതിയുടെ അടിസ്ഥാനത്തിൽ പോലീസ് വെങ്കട് പ്രസാദിനെ കസ്റ്റഡിയിലെടുത്തു. ഇയാളെ ചോദ്യം ചെയ്യുകയാണെന്നു പോലീസ് അറിയിച്ചു.
എസ്.എസ്.രാജമൗലിയൊരുക്കിയ ബ്രഹ്മാണ്ഡചിത്രം ബാഹുബലിയിൽ നായക കഥാപാത്രമായ പ്രഭാസിന്‍റെ വളർത്തച്ഛന്‍റെ വേഷത്തിലാണ് വെങ്കട് പ്രസാദെത്തിയത്.
