വര്‍ഷങ്ങളായി സിനിമയില്‍ തുടര്‍ന്ന് ചെയ്യുന്ന വേഷങ്ങളിലൂടെ എല്ലാവരുടെ പ്രിയപ്പെട്ടവന്‍ ആയി മാറിയ നടനാണ് ബൈജു. തിരുവനന്തപുരം ഭാഷ ഇത്രയും വൃത്തിയായി പറയുന്ന നടന്മാര്‍ വളരെ കുറവാണ്.
തിരുവനന്തപുരത്ത് സിനിമയുടെ റിലീസിനോട് അനുബന്ധിച്ച് ഒരു വലിയ കട്ട്ഔട്ട് വച്ചിട്ടുണ്ട്. അതിനെക്കുറിച്ച് ഇന്നലെ എത്തിയ ഫെയ്‌സ്ബുക്ക് ലൈവില്‍ രസകരമായ മറുപടി നല്‍കുകയാണ് അദ്ദേഹം.
ബൈജു ചേട്ടന്റെ ഒരു വലിയ കട്ടൗട്ട് ഒക്കെ വച്ചിട്ടുണ്ടല്ലോ…
അതു ഞാന്‍ കാശ് കൊടുത്ത് വച്ചത്.. ഒരെണ്ണത്തിന് 15000 രൂപയാണ് വില..അല്ലാതെ എനിക്ക് ഫാന്‍സ് ഒന്നും ഇല്ല.
സഹനടനായി മാത്രം അഭിനയിക്കാറുളള ബൈജുവിന്റെ വലിയ കട്ടൗട്ടുകള്‍ തിരുവനന്തപുരത്തെ തിയേറ്ററുകള്‍ക്ക് പുറത്ത് കണ്ടതാണ് നാദിര്‍ഷ ചൂണ്ടിക്കാണിച്ചിരുന്നു. ബൈജു പറയുന്ന വീഡിയോ സോഷ്യൽ മീഡിയയില്‍ പ്രചരിക്കുന്നുണ്ട്.
കോഴിക്കോടുള്ള ഗുണ്ടാ ഷാജി, കൊച്ചിയിലുള്ള അലവലാതി ഷാജി, തിരുവന്തപുരത്തുള്ള ഡ്രൈവര്‍ ജന്റില്‍മാന്‍ ഷാജി എന്നീ മൂന്നു ഷാജിമാരുടെ കഥയാണ് മേരാ നാം ഷാജി. നിഖില വിമലാണ് ചിത്രത്തില്‍ നായികയായി എത്തുന്നത്. ബി.രാകേഷ് നിര്‍മിക്കുന്ന ചിത്രത്തിന്റെ തിരക്കഥയും സംഭാഷണവും ദിലീപ് പൊന്നന്‍ ആണ്. വിനോദ് ഇല്ലംപിള്ളിയാണ് ഛായാഗ്രഹണം. ദിലീപ് പൊന്നന്‍, ഷാനി ഖാദര്‍ എന്നിവരാണ് കഥ. ജോണ്‍ കുട്ടി എഡിറ്റിങ്ങും എമില്‍ മുഹമ്മദ് സംഗീതവും നിര്‍വഹിച്ചിരിക്കുന്നു.
