മാഡ്രിഡ്: ക്രിസ്റ്റ്യാനോ റൊണാൾഡോയുടെ അഭാവം നികത്താൻ ഗാരെത് ബെയ്ൽ ഉണ്ടെന്നും അതിനാൽ പ്രശ്നം ഇല്ലെന്നും സ്പാനിഷ് ഫുട്ബോൾ ക്ലബ്ബായ റയൽ മാഡ്രിഡിന്‍റെ പരിശീലകൻ യൂലൻ ലോപെടെഹി.
കഴിഞ്ഞ സീസണിൽ റയലിനായി മുഴുവൻ മത്സരവും കളിക്കാൻ സാധിക്കാതിരുന്ന ബെയ്ൽ ക്ലബ്ബ് വിടുമെന്ന് റിപ്പോർട്ടുണ്ടായിരുന്നു. എന്നാൽ, ലോകകപ്പിനുപിന്നാലെ റൊണാൾഡോ റയലിൽനിന്ന് ഇറ്റാലിയൻ ക്ലബ്ബായ യുവന്‍റസിലേക്ക് കൂടുമാറി. ഇതോടെ ബെയ്ൽ റയലിന്‍റെ പ്രധാനിയായി മാറുകയായിരുന്നു.
ബെയ്ൽ കഴിവുറ്റ അസാമാന്യനായ കളിക്കാരനാണ്. റൊണാൾഡോയുടെ അസാന്നിധ്യം നികത്താൻ വെയ്ൽസ് താരത്തിനു സാധിക്കും- ലോപെടെഹി പറഞ്ഞു.
