റോഡുപണികൾ പൂർത്തിയായില്ല;  ബേക്കർ ജംഗ്ഷൻ, റൗണ്ടാന സിഗ്‌‌നൽ ലൈറ്റുകൾ ഉടൻ പ്രകാശിക്കില്ല

കോ​ട്ട​യം: ന​ഗ​ര​ത്തി​ലെ ട്രാ​ഫി​ക് സം​വി​ധാ​നം സി​ഗ്ന​ൽ ലൈ​റ്റു​ക​ളി​ലേ​ക്കു മാ​റു​ന്ന​തു വൈ​കും. ബേ​ക്ക​ർ ജം​ഗ്ഷ​ൻ, റൗ​ണ്ടാ​ന തു​ട​ങ്ങി വി​വി​ധ സ്ഥ​ല​ങ്ങ​ളി​ൽ സ്ഥാ​പി​ച്ചി​രി​ക്കു​ന്ന ട്രാ​ഫി​ക് സി​ഗ്ന​ൽ ലൈ​റ്റു​ക​ൾ ഉ​ട​ൻ പ്ര​വ​ർ​ത്തി​പ്പി​ക്കി​ല്ല. റോ​ഡു പ​ണി പൂ​ർ​ത്തി​യാ​യ​ശേ​ഷം മാ​ത്ര​മേ സി​ഗ്ന​ൽ ലൈ​റ്റു​ക​ൾ പ്ര​വ​ർ​ത്തി​പ്പി​ച്ചു തു​ട​ങ്ങൂ. ഏ​താ​നും ദി​വ​സ​ങ്ങ​ൾ​ക്കു മു​ന്പാ​ണു ബേ​ക്ക​ർ ജം​ഗ്ഷ​ൻ ഉ​ൾ​പ്പെ​ടെ​യു​ള്ള സ്ഥ​ല​ങ്ങ​ളി​ൽ ലൈ​റ്റു​ക​ൾ സ്ഥാ​പി​ച്ച​ത്.

നാ​ഗ​ന്പ​ടം ഉ​ൾ​പ്പെ​ടെ​യു​ള്ള സ്ഥ​ല​ങ്ങ​ളി​ലെ റോ​ഡു​പ​ണി ന​ട​ക്കു​ന്ന​തി​നാ​ൽ ലൈ​റ്റു​ക​ൾ ഇ​പ്പോ​ൾ പ്ര​വ​ർ​ത്തി​പ്പി​ച്ചാ​ൽ കൂ​ടു​ത​ൽ ഗ​താ​ഗ​ത​ക്കു​രു​ക്ക് ഉ​ണ്ടാ​കു​മെ​ന്നാ​ണു പോ​ലീ​സി​ന്‍റെ​യും കെഎസ്ടി​പി അ​ധി​കൃ​ത​രു​ടെ​യും വി​ല​യി​രു​ത്ത​ൽ. ഇ​തി​നു​പു​റ​മേ ബേ​ക്ക​ർ ജം​ഗ്ഷ​നി​ലെ​യും റൗ​ണ്ട​നാ​യി​ലെ​യും ട്രാ​ഫി​ക് ലൈ​റ്റി​ന്‍റെ സം​വി​ധാ​നം പ​ര​സ്പ​രം ബ​ന്ധി​പ്പി​ക്കേ​ണ്ട​തു​ണ്ട്.

സി​ഗ്ന​ൽ സം​വി​ധാ​ന​ത്തി​ൽ എ​ത്ര സ​മ​യം ഇ​വി​ട​ങ്ങ​ളി​ൽ വാ​ഹ​ന​ങ്ങ​ൾ​ക്കു ക​ട​ന്നു പോ​കേ​ണ്ട​തി​നാ​യി സ​മ​യം അ​നു​വ​ദി​ക്ക​ണ​മെ​ന്ന കാ​ര്യ​ത്തി​ലും തീ​രു​മാ​ന​മെ​ടു​ത്തി​ട്ടി​ല്ല. ബേ​ക്ക​ർ ജം​ഗ്ഷ​ൻ, റൗ​ണ്ടാ​ന എ​ന്നി​വി​ട​ങ്ങ​ളി​ൽ തി​ര​ക്കു​ള്ള സ​മ​യ​ത്ത് എ​ത്ര വാ​ഹ​ന​ങ്ങ​ൾ ക​ട​ന്നു​പോ​കു​ന്നു​ണ്ടെ​ന്ന കാ​ര്യം അ​ധി​കൃ​ത​ർ നി​രീ​ക്ഷി​ച്ചു​വ​രി​ക​യാ​ണ്. ഇ​ക്കാ​ര്യ​ങ്ങ​ളി​ലെ​ല്ലാം റി​പ്പോ​ർ​ട്ട് ക്രോ​ഡീ​ക​രി​ച്ചു പ​ഠ​നം ന​ട​ത്തി​യ​ശേ​ഷ​മാ​ണു ട്രാ​ഫി​ക് സം​വി​ധാ​നം സി​ഗ്ന​ൽ ലൈ​റ്റു​ക​ളി​ലേ​ക്കു മാ​റു​ന്ന കാ​ര്യ​ത്തി​ൽ അ​ന്തി​മ തീ​രു​മാ​ന​മു​ണ്ടാ​വു​ക​യുള്ളൂ.

ലൈ​റ്റു​ക​ൾ പ്ര​വ​ർ​ത്തി​ച്ചു തു​ട​ങ്ങു​ന്ന​തോ​ടെ എം​സി റോ​ഡി​ലൂ​ടെ കോ​ടി​മ​ത​യി​ൽ​നി​ന്നു വ​രു​ന്ന​വ​ർ​ക്കും കു​മ​ര​കം റോ​ഡി​ലൂ​ടെ പോ​കു​ന്ന​വ​ർ​ക്കും എം​സി റോ​ഡി​ലൂ​ടെ ന​ഗ​ര​ത്തി​ലേ​ക്കു വ​രു​ന്ന​വ​രും ഇ​നി സി​ഗ്ന​ൽ ലൈ​റ്റി​ന്‍റെ നി​യ​ന്ത്ര​ണ​ത്തി​ൽ വാ​ഹ​ന​ങ്ങ​ൾ ഓ​ടി​ക്കേ​ണ്ടി​വ​രും.

മൂ​ന്നു വ​ർ​ഷം മു​ന്പും ഇ​വി​ടെ സി​ഗ്ന​ൽ ലൈ​റ്റു​ക​ൾ സ്ഥാ​പി​ച്ചി​രു​ന്നു. എ​ന്നാ​ൽ പ്രാ​യോ​ഗി​ക ട്രാ​ഫി​ക് സം​വി​ധാ​നം ഒ​രു​ക്കു​ന്ന​തി​ൽ വീ​ഴ്ച വ​ന്ന​തി​നാ​ൽ സി​ഗ്ന​ൽ ലൈ​റ്റു​ക​ൾ മാ​റ്റി പോ​ലീ​സു​കാ​രെ ഡ്യൂ​ട്ടി​ക്കു നി​യോ​ഗി​ക്കു​ക​യാ​യി​രു​ന്നു. ഇ​വി​ടെ സ്ഥാ​പി​ച്ച സി​ഗ്ന​ൽ ലൈ​റ്റു​ക​ളും ന​ശി​ച്ചു​പോ​യി​രു​ന്നു. ഇ​തി​നു​ശേ​ഷം കെഎ​സ്ടി​പി​യു​ടെ നേ​തൃ​ത്വ​ത്തി​ലാ​ണു ഇ​പ്പോ​ൾ സി​ഗ്ന​ൽ ലൈ​റ്റു​ക​ൾ സ്ഥാ​പി​ച്ച​ത്.

‌ബേ​ക്ക​ർ ജം​ഗ്ഷ​നി​ൽ സി​ഗ്ന​ൽ ലൈ​റ്റു​ക​ൾ പ്രാ​യോ​ഗി​ക​മ​ല്ലെ​ന്നു വാ​ദി​ക്കു​ന്ന​വ​രു​മു​ണ്ട്. റൗ​ണ്ടാ​ന, ബേ​ക്ക​ർ ജം​ഗ്ഷ​ൻ എ​ന്നി​വി​ട​ങ്ങ​ളി​ലെ സി​ഗ്ന​ൽ ലൈ​റ്റു​ക​ൾ ഒ​രു​പോ​ലെ ട്രാ​ഫി​ക് സം​വി​ധാ​ന​ത്തി​ൽ എ​ത്തി​ക്കാ​ൻ സാ​ധി​ക്കി​ല്ലെ​ന്നാ​ണ് ഇ​ക്കൂ​ട്ട​രു​ടെ വാ​ദം. ഇ​രു​ജം​ഗ്ഷ​നി​ലെ​യും സ​മ​യ​ക്ര​മീ​ക​ര​ണം ഏ​ർ​പ്പെ​ടു​ത്താ​ൻ സാ​ധി​ക്കാ​ത്ത​താ​ണു സി​ഗ്ന​ൽ സം​വി​ധാ​നം വ​ഴി​യു​ള്ള ട്രാ​ഫി​ക് പ​രാ​ജ​യ​പ്പെ​ടാ​ൻ കാ​ര​ണ​മെ​ന്നു പ​റ​യു​ന്നു.