ബര്‍ലിന്‍: റോജര്‍ ഫെഡററിനും റാഫേല്‍ നദാലിനും ഇനിയും കാലം ബാക്കിയുണ്ടെന്ന് ജര്‍മന്‍ ടെന്നീസ് ഇതിഹാസം ബോറിസ് ബെക്കർ. ഓസ്‌ട്രേലിയന്‍ ഓപ്പണ്‍ തുടങ്ങുന്നതിനു മുമ്പ് അവര്‍ ഇരുവരും ഏതു റൗണ്ട് വരെ പോകുമെന്ന കാര്യത്തില്‍ എല്ലാവര്‍ക്കും സംശയമായിരുന്നു. എന്നാല്‍, ടൂര്‍ണമെന്‍റിന്‍റെ ഫൈനല്‍ വരെയെത്താന്‍ ഇരുവര്‍ക്കും സാധിച്ചു.
മെല്‍ബണിലെ ഫെഡററുടെ പ്രകടനം വിലയിരുത്തിയാല്‍ ടെന്നീസില്‍ ഇനിയും പലതും നേടാന്‍ അദ്ദേഹത്തിനു കഴിയുമെന്ന് മനസിലാകും. അതുപോലെയാണ് നദാലിന്‍റെ കാര്യവും. 18 ഗ്രാന്‍സ്‌ലാം എന്ന അതുല്യ നേട്ടം ഫെഡറര്‍ സ്വന്തമാക്കിയത് വളരെ എളുപ്പത്തിലാണെന്നും അദ്ദേഹം പറഞ്ഞു. ലോക ഒന്നാം നമ്പര്‍ സ്ഥാനം കഴിഞ്ഞ വര്‍ഷം നഷ്ടമായ നൊവാക് ജോക്കോവിച്ചിന്‍റെ കാര്യത്തില്‍ ആശങ്കയില്ലെന്നും ബെക്കര്‍ പറഞ്ഞു.
