കഴിഞ്ഞ ദിവസം എനിക്ക് വളരെ സന്തോഷം നൽകിയൊരു കാര്യം സുഖമില്ലാതിരുന്ന ശ്രീനിവാസൻ വീണ്ടും അഭിനയിക്കാൻ തുടങ്ങിയെന്ന വാർത്തയാണ്.
അത് എന്നെപ്പോലൊരു വ്യക്തിക്ക് കൂടുതൽ ഫീൽ ചെയ്യാൻ കാരണം ഇതേപോലെ ഞാനും കുറച്ച് കാലം രോഗാവസ്ഥയിൽ വീട്ടിൽതന്നെ ഇരുന്ന് ദിവസങ്ങൾ തള്ളി നീക്കിയ ആളാണ്.
ആ സമയത്ത് നാട്ടിൽ എന്തെല്ലാം കഥകളാണ് എന്നെക്കുറിച്ച് പ്രചരിച്ചതെന്ന് എനിക്കറിയാം. അതുപോലെ ശ്രീനിവാസൻ ക്ഷീണിച്ചിരിക്കുന്ന ഒരു ഫോട്ടോ കണ്ടിട്ട് കുറച്ച് നാൾ മുമ്പ് ആളുകൾ എന്നോട് പറഞ്ഞ കാര്യങ്ങൾ എന്‍റെ മനസിലുണ്ട്.
അതിൽനിന്നൊക്കെ അദ്ദേഹം ചാടി എഴുന്നേറ്റ് കാമറയ്ക്ക് മുമ്പിൽ വന്ന് അഭിനയിക്കുന്നുവെന്ന് അറിഞ്ഞപ്പോൾ എനിക്ക് അദ്ദേഹത്തെ വ്യക്തിപരമായി ഒന്ന് അഭിനന്ദിക്കണമെന്ന് തോന്നി.
അദ്ദേഹം അഭിനയിക്കുന്നത് സ്വന്തം മകനൊപ്പമാണ്. അതൊരു ഭാഗ്യവാനായ അച്ഛനായതുകൊണ്ടാണ്. ശ്രീനിവാസന് അദ്ദേഹത്തിന്‍റേതായ രീതിയിലുള്ള നർമവും മറ്റുമൊക്കെ വച്ച് പ്രത്യേകം ഓഡിയൻസ് ഉണ്ട്. -ബാലചന്ദ്രമേനോൻ
