തെലുങ്കിലെ സൂപ്പര്‍സ്റ്റാറുകളിലൊരാളാണ് ബാലകൃഷ്ണ. സൂപ്പര്‍ താരമാണെന്നതിന്റെ അഹങ്കാരം ആവോളമുള്ള താരം. അതുകൊണ്ട് തന്നെ വിവാദങ്ങളും നിരവധി. ഇത്തവണ സഹായിയെ തല്ലിയാണ് താരം പുലിവാലു പിടിച്ചിരിക്കുന്നത്. താരത്തിന്റെ ഈ പ്രവൃത്തിയില്‍ വിമര്‍ശനവുമായി നിരവധി പേരാണ് രംഗത്ത് എത്തിയിരിക്കുന്നത്. തല്ലുന്ന വീഡിയോ ഇപ്പോള്‍ പുറത്ത് വന്നിട്ടുണ്ട്.
സംവിധായകന്‍ കെഎസ് രവികുമാറിന്റെ ചിത്രത്തിന്റെ ഷൂട്ടിംഗ് സെറ്റിലായിരുന്നു സംഭവം. മുമ്പ് സെല്‍ഫിയെടുക്കാന്‍ ശ്രമിച്ച ആരാധകനേയും ബാലകൃഷ്ണ തല്ലിയിരുന്നു. സംവിധായകനുമായി സംസാരിച്ച് കൊണ്ടിരിക്കെ അടുത്തെത്തിയപ്പോഴാണ് അസിസ്റ്റന്റിനെ ബാലകൃഷ്ണ തല്ലിയത്. തല്ലിയ ശേഷം ചെരിപ്പ് ഊരാന്‍ നിര്‍ദേശം കൊടുത്ത താരം സംവിധായകനുമായുള്ള സംസാരം തുടര്‍ന്നു. വീഡിയോ കാണാം.
