ചാ​ല​ക്കു​ടി പോ​ട്ട ബാ​ങ്ക് ക​വ​ർ​ച്ച; മോ​ഷ്ടാ​വ് ‘പ്ര​ഫ​ഷ​ണ​ൽ’ അ​ല്ല; 47 ല​ക്ഷം രൂ​പ ഉ​ണ്ടാ​യി​ട്ടും എ​ടു​ത്ത​ത് 15 ല​ക്ഷം

ചാ​ല​ക്കു​ടി: പോ​ട്ടയിലെ ഫെഡറൽ ബാ​ങ്ക് ശാഖയിൽനിന്നു കത്തി കാട്ടി 15 ലക്ഷം രൂപ കൊള്ളയടിച്ച പ്ര​തി​ക്കു വേ​ണ്ടി സം​സ്ഥാ​ന​ത്തി​ന​ക​ത്തും പു​റ​ത്തും അ​ന്വേ​ഷ​ണം ഊ​ർ​ജി​ത​മാ​ക്കി പോ​ലീ​സ്. സി​സി​ടി​വി ദൃ​ശ്യ​ങ്ങ​ൾ പോ​ലീ​സ് പ​ര​ക്കെ പ​രി​ശോ​ധി​ച്ചു വ​രി​ക​യാ​ണ്. സ്ഥി​രം മോ​ഷ്ടാ​ക്ക​ളെ കേ​ന്ദ്രീ​ക​രി​ച്ചും അ​ന്വേ​ഷ​ണം ന​ട​ത്തു​ന്നു​ണ്ട്.

കവർച്ചാസ​മ​യത്ത് മോഷ്ടാവ് ഹി​ന്ദി​യി​ലാ​ണ് സം​സാ​രി​ച്ച​തെ​ങ്കി​ലും അത് അ​ന്വേ​ഷ​ണം വ​ഴിതെ​റ്റി​ക്കാ​നാ​ണോ എ​ന്ന സം​ശ​യമു​ണ്ട്. ബാ​ങ്ക് ക​വ​ർ​ച്ച​യ്ക്ക് മു​ന്പ് ബാ​ങ്കി​ലെ​ത്തി നി​രീ​ക്ഷ​ണം ന​ട​ത്തി​യാ​യി​രി​ക്ക​ണം സ്ഥി​തി​ഗ​തി​ക​ൾ മ​ന​സി​ലാ​ക്കി​യ​തെ​ന്നാ​ണ് പോ​ലീ​സ് ക​രു​തു​ന്ന​ത്. ബാ​ങ്ക് ജീ​വ​ന​ക്കാ​ർ ഭ​ക്ഷ​ണം ക​ഴി​ക്കാ​ൻ പോ​കു​ന്ന സ​മ​യംത​ന്നെ മോ​ഷ്ടാ​വ് മോ​ഷ​ണ​ത്തി​നു തെ​ര​ഞ്ഞെ​ടു​ത്ത​ത് ഇ​ങ്ങ​നെ​യാ​യി​രി​ക്കാ​മെ​ന്നും പോ​ലീ​സ് കരുതുന്നു.

മോ​ഷ​ണ​വു​മാ​യി ബ​ന്ധ​പ്പെ​ട്ട് തൃ​ശൂ​ർ റൂ​റ​ൽ ജി​ല്ലാ പോല​ീ​സ് മേ​ധാ​വി രൂ​പീ​ക​രി​ച്ച ചാ​ല​ക്കു​ടി ഡി​വൈ​എ​സ് പി.കെ. സു​മേ​ഷി​ന്‍റെ നേ​തൃ​ത്വ​ത്തി​ലുള്ള സ്പെ​ഷൽ ഇ​ൻ​വെ​സ്റ്റി​ഗേ​ഷ​ൻ ടീ​മാ​ണ് അ​ന്വേ​ഷ​ണം ന​ട​ത്തി​വ​രി​ക​യാ​ണ്. ഇ​ൻ​സ്പെ​ക്ട​ർ​മാ​രാ​യ എം.​കെ. സ​ജീ​വ്, അ​മൃ​ത് രം​ഗ​ൻ, പി.​കെ. ദാ​സ്, വി.​ബി​ജു, എ​സ്ഐ​മാ​രാ​യ എ​ൻ.​പ്ര​ദീ​പ്, സി.​എ​സ്. സൂ​ര​ജ്, ഡി.​എ​ൻ. എ​ബി​ൻ, കെ.​ സ​ലീം, പി.വി.​ പാ​ട്രി​ക് എ​ന്നി​വ​രും ജി​ല്ലാ ക്രൈം ​സ്ക്വാ​ഡും സൈ​ബ​ർ ജി​ല്ലാ സ്പെ​ഷ​ൽ സ്ക്വാ​ഡും ഉ​ൾ​പ്പെ​ടു​ന്ന 25 ഓ​ളം പേ​ര​ട​ങ്ങു​ന്ന ടീ​മി​നാ​ണ് കേ​സ​ന്വേ​ഷ​ണചു​മ​ത​ല.

പോ​ട്ട​യി​ൽ ന​ട​ന്ന മോ​ഷ​ണം നാ​ട്ടി​ൽ പ​ര​ക്കെ പ​രി​ഭ്രാ​ന്തി പ​ര​ത്തി​യി​ട്ടുണ്ട്. മോ​ഷ​ണ​ത്തി​നു​ശേ​ഷം പ്ര​തി പോ​യ​ത് അ​ങ്ക​മാ​ലി ഭാ​ഗ​ത്തേ​ക്ക് ആ​ണെ​ന്ന​താ​ണ് അ​ന്വേ​ഷ​ണ​സം​ഘ​ത്തി​ന് ല​ഭി​ച്ച ഏ​ക​വി​വ​രം. പ്ര​തി​യു​ടെ വാ​ഹ​നംപോ​ലും ക​ണ്ടെ​ത്താ​ല്‍ ഇ​തു​വ​രെ സാ​ധി​ച്ചി​ട്ടി​ല്ല. പ്ര​തി സം​സ്ഥാ​നംത​ന്നെ വി​ട്ടു​പോ​കാ​നു​ള്ള സാ​ധ്യ​ത പോ​ലീ​സ് ത​ള്ളി​ക്ക​ള​യു​ന്നി​ല്ല. അ​തി​നാ​ലാണ് കേ​സ് സം​സ്ഥാ​ന​ത്തി​ന് പു​റ​ത്തേ​ക്കും വ്യാ​പി​പ്പി​ച്ചത്.

അ​ങ്ക​മാ​ലി​യി​ലെ​ത്തി​യ പ്ര​തി ട്രെ​യി​ന്‍ മാ​ര്‍​ഗം ര​ക്ഷ​പ്പെ​ട്ടി​ട്ടു​ണ്ടോ​യെ​ന്നും അ​ന്വേ​ഷി​ക്കു​ന്നു​ണ്ട്. ഇ​ന്ന​ലെ​യും ഇ​ന്നും ആ​ലു​വ, പെ​രു​മ്പാ​വൂ​ര്‍ മേ​ഖ​ല​യി​ല്‍ ന​ട​ത്തി​യ പ​രി​ശോ​ധ​ന​യി​ൽ പ്ര​തി​യെ​ക്കു​റി​ച്ച് യാ​തൊ​രു തു​മ്പും ല​ഭി​ച്ചി​ട്ടി​ല്ല. പ്ര​തി​ക്ക് സ​ഹാ​യം ല​ഭി​ച്ചി​ട്ടു​ണ്ടോ, സം​ഭ​വ​ത്തി​ല്‍ ഗൂ​ഢാ​ലോ​ച​ന​യു​ണ്ടോ​ എന്നൊക്കെ പോ​ലീ​സ് പ​രി​ശോ​ധി​ക്കു​ന്നു​ണ്ട്. സ​ഹാ​യ​മി​ല്ലാ​തെ കൃ​ത്യ​മാ​യി ഇ​ത്ത​ര​ത്തി​ല്‍ മോ​ഷ​ണം ന​ട​ത്താ​ന്‍ സാ​ധി​ക്കി​ല്ലെ​ന്നാ​ണ് പോ​ലീ​സി​ന്‍റെ നി​ഗ​മ​നം.

47 ല​ക്ഷം രൂ​പ​യാ​ണ് കൗ​ണ്ട​റി​ല്‍ അ​ടു​ക്കു​ക​ളാ​ക്കി വ​ച്ചി​രു​ന്ന​ത്. ഇ​തി​ല്‍​നി​ന്ന് ന​ടു​ക്കാ​യി ക്ര​മീ​ക​രി​ച്ച അ​ഞ്ചു​ല​ക്ഷം വീ​ത​മു​ള്ള മൂ​ന്ന് കെ​ട്ടു​ക​ള്‍ മാ​ത്ര​മാ​ണ് പ്ര​തി കൈ​ക്ക​ലാ​ക്കി​യ​ത്. ക​വ​ര്‍​ച്ച ന​ട​ത്തി​യ​ത് ‘പ്ര​ഫ​ഷ​ണ​ല്‍ മോ​ഷ്ടാ​വ്’ അ​ല്ലെ​ന്ന നി​ഗ​മ​ന​ത്തി​ലാ​ണ് പോ​ലീ​സ്. അ​തി​നാ​ല്‍ പ്ര​തി​യി​ലേ​ക്ക് എ​ളു​പ്പം എ​ത്താ​ന്‍ സാ​ധി​ക്കു​മെ​ന്നും പോ​ലീ​സ് ക​രു​തു​ന്നു.

കൂ​ടു​ത​ല്‍ പ​ണം എ​ടു​ക്കാ​മാ​യി​രു​ന്നി​ട്ടും 15 ല​ക്ഷം മാ​ത്രം കൈ​ക്ക​ലാ​ക്കി​യ​തി​നാ​ല്‍ പ്ര​തി പ്ര​ത്യേ​ക ല​ക്ഷ്യ​ത്തോ​ടെ​യാ​വാം ക​വ​ര്‍​ച്ച ന​ട​ത്തി​യ​തെ​ന്നും പോ​ലീ​സ് ക​രു​തു​ന്നു.