ബാ​റി​ലെ സം​ഘ​ർഷം യുവാക്കൾ പോലീസ് സ്റ്റേഷനിലും തുടർന്നു; ആക്രമണത്തിൽ സാരമായി പരിക്കേറ്റ എസ്ഐയുടെ കൈയിൽ സ്റ്റിച്ചിട്ടു

കൊ​ടു​ങ്ങ​ല്ലൂ​ർ: ബാ​ർ ഹോ​ട്ട​ലി​ൽ സം​ഘ​ർ​ഷം ഉ​ണ്ടാ​ക്കി​യ​തി​നെത്തു​ട​ർ​ന്ന് കൊ​ടു​ങ്ങ​ല്ലൂ​ർ പോ​ലീ​സ് ക​സ്റ്റ​ഡി​യി​ലെ​ടു​ത്ത യു​വാ​ക്ക​ൾ പോ​ലീ​സ് സ്റ്റേ​ഷ​നി​ലും അ​ഴി​ഞ്ഞാ​ടി.

സ്റ്റേ​ഷ​നി​ലെ ക​സേ​ര​യെ​ടു​ത്ത് ചി​ല്ലു​കൊ​ണ്ടു​ള്ള ഭി​ത്തി അ​ടി​ച്ചു​ത​ക​ർ​ക്കു​ക​യും ത​ട​യാ​ൻ ശ്ര​മി​ച്ച എ​സ്ഐ കെ.​ അ​ജി​ത്തി​നെ ആ​ക്ര​മി​ക്കു​ക​യും ചെ​യ്തു.

കൈ​യ്ക്ക് മു​റി​വേ​റ്റ എ​സ്ഐ കൊ​ടു​ങ്ങ​ല്ലൂ​ർ താ​ലൂ​ക്ക് ആ​ശു​പ​ത്രി​യി​ൽ ചി​കി​ത്സ തേ​ടി. ഇ​ദ്ദേ​ഹ​ത്തി​ന്‍റെ കൈ​യി​ൽ സ്റ്റി​ച്ച് ഇ​ടേ​ണ്ടി​വ​ന്നു.

ഇ​ന്ന​ലെ രാ​ത്രി 11നാ​യി​രു​ന്നു സം​ഭ​വം. കൊ​ടു​ങ്ങ​ല്ലൂ​ർ പ​ടി​ഞ്ഞാ​റെ ന​ട​യി​ലു​ള്ള അ​ശ്വ​തി ബാ​റി​ൽ സം​ഘ​ർ​ഷം സൃ​ഷ്ടി​ച്ച​തി​നെത്തു​ട​ർ​ന്നാ​ണ് ഇ​ട​വി​ല​ങ്ങ് പൊ​ടി​യ​ൻ ബ​സാ​ർ സ്വ​ദേ​ശി​ക​ളാ​യ കു​ന്ന​ത്ത് ര​ഞ്ജി​ത്ത് (37), വാ​ല​ത്ത് വി​കാ​സ് (35) എ​ന്നി​വ​രെ പോ​ലീ​സ് ക​സ്റ്റ​ഡി​യി​ലെ​ടു​ത്ത​ത്.

സ്റ്റേ​ഷ​നി​ലെ​ത്തി​ച്ച ഇ​വ​ർ സ്റ്റേ​ഷ​നി​ലെ ക​സേ​ര​യെ​ടു​ത്താ​ണ് ഗ്ലാ​സ് അ​ടി​ച്ചു​ത​ക​ർ​ത്ത​ത്.പ്രതികളെ ഇ​ന്ന് കൊ​ടു​ങ്ങ​ല്ലൂ​ർ കോ​ട​തി​യി​ൽ ഹാ​ജ​രാ​ക്കും.