കോട്ടയം: വീട്ടിലെ പട്ടി നിർത്താതെ കുരയ്ക്കുന്നു എന്ന് പറഞ്ഞ് അയൽവാസികൾ യുവതിയെ വീട്ടിൽ കയറി മർദിച്ചു. വൈക്കം സ്വദേശിനിയായ പ്രജിത ജോഷിക്കാണ് മർദ്ദനമേറ്റത്. അയൽവാസിയായ അച്ഛനും മകനും ചേർന്നാണ് ആക്രമിച്ചത്.
ഇരുവരും മദ്യപിച്ചെത്തിയാണ് മർദിച്ചതെന്ന് യുവതി പറഞ്ഞു. മർദനത്തിൽ പ്രജിതയുടെ തലയ്ക്കും കണ്ണിനും പരിക്കേറ്റു. നിലവിൽ ആശുപത്രിയിൽ ചികിത്സയിലാണ് ഇവർ. യുവതി നൽകിയ പരാതിയുടെ അടിസ്ഥാനത്തിൽ വൈക്കം പോലീസ് കേസെടുത്ത് അന്വേഷണം ആരംഭിച്ചു.
