ബാഴ്സലോണ: ലാ ലിഗയിൽ ബാഴ്സലോണയ്ക്ക് തകർപ്പൻ ജയം. സൂപ്പർ താരങ്ങളായ മെസിയും സുവാരസും ഇല്ലാതെ ഇറങ്ങിയ ബാഴ്സ 5-2ന് റയൽ ബെറ്റിസിനെ കീഴടക്കിയത്. ഗ്രീസ്മന്‍റെ ഇരട്ട ഗോളിലായിരുന്നു ബാഴ്സയുടെ മിന്നും ജയം.
ആദ്യ പകുതിയിൽ ഒരു ഗോളിന് പിന്നിൽ നിന്ന ശേഷമായിരുന്നു ബാഴ്സയുടെ തിരിച്ചുവരവ്. കാർലസ് പെരെസ്, ജോർദി ആൽബ, വിദാൽ എന്നിവരായിരുന്നു ബാഴ്സലോണയുടെ മറ്റു സ്കോറേഴ്സ്. ഇതിൽ വിദാലിന്‍റെ ഗോൾ ഗ്രീസ്മനാണ് അസിസ്റ്റ് ചെയ്തത്. ലീഗിലെ ആദ്യ മത്സരത്തിൽ ബാഴ്സ പരാജയപ്പെട്ടിരുന്നു.
