കൊച്ചി: ചാന്പ്യൻസ് ട്രോഫി ഇന്റർ ക്ലബ് ബാസ്കറ്റ് ബോൾ ചാന്പ്യൻഷിപ്പിൽ വനിതാവിഭാഗം കിരീടം കേരള പോലീസിന്. മൂന്ന് ടീമുകൾ മത്സരിച്ച റൗണ്ട് റോബിൻ ലീഗ് ഫൈനലിൽ കോഴിക്കോട് പ്രൊവിഡൻസ് കോളജിനെ 71-67 ന് തോൽപ്പിച്ചാണ് കേരള പോലീസ് കിരീടമുയർത്തിയത്. വിജയികൾ ആദ്യപകുതിയിൽ 27-26ന് മുന്നിട്ടുനിന്നു.
18 പോയന്റോടെ പി.ആർ. സൂര്യ കേരള പോലീസിന്റെ ടോപ് സ്കോററായി. ഒരു ജയവും തോൽവിയുമായി ചങ്ങനാശേരി അസംപ്ഷൻ കോളജ് രണ്ടാമതെത്തി.
