കായംകുളം : എംഎൽഎയുടെ പ്രത്യേക വികസന നിധിയിൽ നിന്നും 5 ലക്ഷം രൂപ വിനിയോഗിച്ച് കായംകുളം മണ്ഡലത്തിലെ 223 അങ്കണവാടികളിലെ 1981 കുട്ടികൾക്കായി വാങ്ങിയ 628 കയർ മെത്തകളുടെ വിതരണോദ്ഘാടനം അഡ്വ.യു.പ്രതിഭ എം.എൽ.എ നിർവഹിച്ചു. ഭരണിക്കാവ് ഗ്രാമപഞ്ചായത്ത് പ്രസിഡന്‍റ് കെ. ദീപ അധ്യക്ഷത വഹിച്ചു.
കായംകുളം നഗരസഭ ചെയർപേഴ്സൺ പി.ശശികല, ഭരണിക്കാവ് ബ്ലോക്ക് പഞ്ചായത്ത് പ്രസിഡൻറ് എസ്.രജനി, മുതുകുളം ബ്ലോക്ക് പഞ്ചായത്ത് പ്രസിഡന്‍റ് ഡി. അംബുജാക്ഷി, മാവേലിക്കര ബ്ലോക്ക് പഞ്ചായത്ത് പ്രസിഡന്‍റ് ഇന്ദിരാ ദാസ്, ദേവികുളങ്ങര ഗ്രാമപഞ്ചായത്ത് പ്രസിഡന്‍റ് എസ്. പവനനാഥൻ, ചെട്ടികുളങ്ങര ഗ്രാമപഞ്ചായത്ത് പ്രസിഡന്‍റ് സുധാകരക്കുറുപ്പ്, പത്തിയൂർ ഗ്രാമപഞ്ചായത്ത് പ്രസിഡന്‍റ് എൽ ഉഷ, ഭരണിക്കാവ് ഗ്രാമപഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ ശശിധരൻ നായർ, ഭരണിക്കാവ് ഗ്രാമപഞ്ചായത്ത് മെമ്പർ എ. തമ്പി, ശിശു വികസന പദ്ധതി ഓഫീസർമാരായ കെ.ടി.ഷീബ , സാഹിനി, സി.ബീന, ലക്ഷ്മി തുടങ്ങിയവർ പങ്കെടുത്തു.
