അവിശ്വസിനീയമായ കഴിവുക‍ളുമായ് ലോക റെക്കോർഡുകൾ സ്വന്തമാക്കിയ നിരവധിപേരു‌ടെ പ്രകടനങ്ങൾ നമ്മ‍ൾ സോഷ്യൽ മീഡിയയിലൂടെ കണ്ടിട്ടുണ്ട്. 319 വൈൻ ഗ്ലാസുകൾ തലയിൽ ബാലൻസ് ചെയ്തുള്ള 62 കാരന്‍റെ വീഡിയോയാണ് ഇപ്പോൾ വൈറലാകുന്നത്.
അരിസ്റ്റോടെലിസ് വലോറിറ്റിസാണ് 319 വൈൻ ഗ്ലാസുകൾ തലയിൽ വച്ച് നേട്ടം കൈവരിച്ചത്. എന്‍റിനോസ് കാന്തി 270 ഗ്ലാസുകൾ തലയിൽവച്ച് നേടിയ റെക്കോർഡാണ് ഇപ്പോൾ തിരിത്തിയത്. ഗിന്നസ് വേൾഡ് റെക്കോർഡ് വലോറിറ്റിസിന്റെ വീഡിയോ സമൂഹ മാധ്യമങ്ങളിൽ പങ്ക് വച്ചിട്ടുണ്ട്.
വലോറിറ്റിസ് വൈൻ ഗ്ലാസ് തലയിൽ വച്ച് ബാലൻസ് ചെയ്ത് നിൽക്കുന്നത് വീഡിയോയിൽ കാണാം. ഗ്ലാസുകൾ അവസാനം താഴെ വീണ് എങ്കിലും അദ്ദേഹത്തിന് റെക്കോർഡ് നേടാൻ സാധിച്ചു.
ഗ്ലാസ് തലയിൽ ബാലൻസ് ചെയ്ത് തുടങ്ങുന്നത് 1995 മുതലാണ്. ഇത് ആദ്യമായല്ല റെക്കോർഡ് സ്വന്തമാക്കുന്നതും. 49 ഗ്ലാസുകൾ തലയിൽ വച്ച് അദ്ദേഹം ഡാൻസ് ചെയ്തിട്ടുണ്ട്. കഴുത്തിന് ശക്തി കിട്ടാനായ് വലോറിറ്റിസ് 50 കിലോ ഭാരമുള്ള മണൽച്ചാക്ക് തലയിലേറ്റി പരിശീലിക്കുമായിരുന്നു.
New record: Most wine glasses balanced on the head – 319 by Aristotelis Valaoritis (Cyprus) 🍷
— Guinness World Records (@GWR) October 19, 2023
Come for the balancing, stay for the smash at the end 😅 pic.twitter.com/9lStjoSAZy
