ഇതരസംസ്ഥാന തൊ​ഴി​ലാ​ളി​ക​ളെ താ​മ​സി​പ്പി​ക്കാ​ൻ അ​ന​ധി​കൃ​ത നി​ർ​മാ​ണം ; ദു​ര​ന്ത നി​വാ​ര​ണ നി​യ​മ പ്ര​കാ​രം കർശന ന​ട​പ​ടി സ്വീകരിക്കും

കോ​ഴി​ക്കോ​ട്: ഇ​ത​ര സം​സ്ഥാ​ന തൊ​ഴി​ലാ​ളി​ക​ളെ താ​മ​സി​പ്പി​ക്കാൻ കെ​ട്ടി​ട​ങ്ങ​ളി​ൽ അ​ന​ധി​കൃ​ത നി​ർ​മ്മാ​ണം ന​ട​ത്തു​ന്ന​വ​ർ​ക്കെ​തി​രേ ദു​ര​ന്ത നി​വാ​ര​ണ നി​യ​മ പ്ര​കാ​രം ക​ർ​ശ​ന ന​ട​പ​ടി സ്വീ​ക​രി​ക്കാ​ൻ ജി​ല്ലാ ദു​ര​ന്ത​നി​വാ​ര​ണ അ​ഥോ​റി​റ്റി തീ​രു​മാ​നി​ച്ചു. ഇ​ത​ര സം​സ്ഥാ​ന തൊ​ഴി​ലാ​ളി​ക്യാ​ന്പു​ക​ളി​ലെ സൗ​ക​ര്യങ്ങൾ മെ​ച്ച​പ്പെ​ടു​ത്തു​ന്ന​തി​ന് ജി​ല്ലാ ഭ​ര​ണ​കൂ​ടം ആ​വി​ഷ്കരി​ച്ച ഗ​രി​മ പ​ദ്ധ​തി പ്ര​കാ​ര​ം നടത്തിയ പ​രി​ശോ​ധ​ന​യി​ലാ​ണ് പ​ല കെ​ട്ടി​ട​ങ്ങ​ളും അ​ന​ധി​കൃ​ത​മാ​ണെ​ന്ന് ക​ണ്ടെ​ത്തി​യത്.

മിക്കയിടത്തും യാ​തൊ​രു അ​നു​മ​തി​യു​മി​ല്ലാ​തെ ഒ​ന്നും ര​ണ്ടും നി​ല​ക​ൾ പ​ണി​തിട്ടു​ണ്ട്. ഇ​വ​യി​ൽ ആ​വ​ശ്യ​മാ​യ സൗ​ക​ര്യ​ങ്ങ​ളൊരു ക്കാതെ ഇ​ത​ര സം​സ്ഥാ​ന തൊ​ഴി​ലാ​ളി​ക​ളെ താ​മ​സി​പ്പി​ക്കു​ക​യാ​ണ്. മു​റി​ക​ൾ​ക്ക് ഉ​ൾ​ക്കൊ​ള്ളാ​നാ​കാ​ത്ത വി​ധം ആ​ളു​ക​ളെ താ​മ​സി​പ്പി​ച്ചി​ട്ടു​ണ്ട്. കാ​യ​ക്കൊ​ടി​യി​ൽ ന​ട​ത്തി​യ പ​രി​ശോ​ധ​ന​യി​ൽ ടോ​യ്‌ല​റ്റില​ട​ക്കം തൊ​ഴി​ലാ​ളി​ക​ളെ താ​മ​സി​പ്പി​ച്ചതു കണ്ടെത്തിയിട്ടുണ്ട്.

ഓ​രോ വ്യ​ക്തി​യി​ൽ നി​ന്നും 1500 രൂ​പ വ​രെ​യാ​ണ് വാ​ട​ക ഈ​ടാ​ക്കു​ന്ന​ത്. അ​ന​ധി​കൃ​ത നി​ർ​മ്മാ​ണം ന​ട​ത്തി തൊ​ഴി​ലാ​ളി​ക​ളെ മോ​ശ​മാ​യ സാ​ഹ​ച​ര്യ​ത്തി​ൽ താ​മ​സി​പ്പി​ക്കു​ന്നതു സം​ബ​ന്ധി​ച്ച് റി​പ്പോ​ർ​ട്ട് ത​യ്യാ​റാ​ക്കാ​നാ​യി ജി​ല്ലാ ടൗ​ണ്‍ പ്ലാ​ന​ർ, പ​ഞ്ചാ​യ​ത്ത് ഡെ​പ്യൂ​ട്ടി ഡ​യ​റ​ക്ട​ർ, ഡി​എം​ഒ എ​ന്നി​വ​രെ ചു​മ​ത​ല​പ്പെ​ടു​ത്തി. എ​ഡി​എം ടി. ​ജ​നി​ൽ കു​മാ​ർ, ഡി​എം​ഒ ഡോ.​വി. ജ​യ​ശ്രീ, ഡെ​പ്യൂ​ട്ടി ക​ള​ക്ട​ർ പി.​പി. കൃ​ഷ്ണ​ൻ​കു​ട്ടി, ലേ​ബ​ർ ഓ​ഫീ​സ​ർ പി.​പി. സ​ന്തോ​ഷ് കു​മാ​ർ, ഡി​വൈ​എ​സ്പി എം. ​സു​ബൈ​ർ എ​ന്നി​വ​ർ പ​ങ്കെ​ടു​ത്തു.