പത്തനംതിട്ട: നഗരത്തിലെ കണ്ണങ്കരയിലും പരിസരപ്രദേശങ്ങളിലും അതിഥി തൊഴിലാളികളുടെ സാമൂഹ്യവിരുദ്ധ പ്രവര്‍ത്തനങ്ങള്‍ക്കെതിരേ നാട്ടുകാരുടെ പ്രതിഷേധവും. കഞ്ചാവ്, മയക്കുമരുന്ന് മറ്റു ലഹരി വസ്തുക്കളുടെ കേന്ദ്രമായി മാറിയിരിക്കുകയാണ് കണ്ണങ്കരയെന്നു നാട്ടുകാര്‍ കുറ്റപ്പെടുത്തി.
പ്രദേശവാസികള്‍ക്ക് വഴിനടക്കാന്‍ പോലുമാകാത്ത സാഹചര്യമാണ്. ഇതിനെതിരേ പ്രദേശവാസികള്‍ സംയുക്തമായി സമാധാന സന്ദേശ റാലിയും യോഗവും നടത്തി. സാബു കണ്ണങ്കരയുടെ അധ്യക്ഷതയില്‍ നഗരസഭ ചെയര്‍മാന്‍ ടി. സക്കീര്‍ ഹുസൈന്‍ യോഗം ഉദ്ഘാടനം ചെയ്തു.
മുണ്ടുകോട്ടക്കല്‍, സുരേന്ദ്രന്‍, നാസര്‍ തൊണ്ടമണ്ണില്‍, സന്തോഷ്, ബോബി അജ്മല്‍, സഞ്ജു, മജേഷ്, നജീബ്, അജയ്്, വിശാഖ്, ഷാജി രാജീവ്, രാജേഷ് ആനപ്പാറ, എന്നിവര്‍ പ്രസംഗിച്ചു.
