കോട്ടയത്തു നിന്ന് ഇതരസംസ്ഥാന തൊഴിലാളികൾക്കായി ട്രെയിൻ നാളെയും വെള്ളിയാഴ്ചയും

കോ​ട്ട​യം: അ​തി​ഥിത്തൊഴി​ലാ​ളി​ക​ളെ നാ​ട്ടി​ലേ​ക്കു കൊ​ണ്ടു പോ​കു​ന്ന​തി​നാ​യി കോ​ട്ട​യ​ത്തു നി​ന്നും നാ​ളെ ജാ​ർ​ഖ​ണ്ഡി​ലേ​ക്കും വെ​ള്ളി​യാ​ഴ്ച പ​ശ്ചി​മ ബം​ഗാ​ളി​ലേ​ക്കും ട്രെ​യി​ൻ ഏ​ർ​പ്പെ​ടു​ത്തി​.

ജി​ല്ല​യി​ലെ വി​വി​ധ താ​ലൂ​ക്കു​ക​ളി​ൽ നി​ന്നാ​യി ഈ ​ട്രെ​യി​നു​ക​ളി​ൽ പോ​കേ​ണ്ട തൊ​ഴി​ലാ​ളി​ക​ളെ ക​ഐ​സ്ആ​ർ​ടി​സി ബ​സി​ൽ കോ​ട്ട​യ​ത്ത് എ​ത്തി​ക്കും. ഇ​തി​നു പു​റ​മെ ഇ​ന്നു രാ​ത്രി 9.15ന് ​എ​റ​ണാ​കു​ള​ത്തു​നി​ന്ന് അ​ഗ​ർ​ത്ത​ല​യി​ലേ​ക്ക് പോ​കു​ന്ന ട്രെ​യി​നി​ൽ ജി​ല്ല​യി​ൽ​നി​ന്ന് 52 തൊ​ഴി​ലാ​ളി​ക​ൾ മ​ട​ങ്ങു​ന്നു​ണ്ട്.

തൃ​പു​ര​യി​ൽ നി​ന്നു​ള്ള 26 പേ​രും അ​രു​ണാ​ച​ൽ പ്ര​ദേ​ശി​ൽ​നി​ന്നു​ള്ള 24 പേ​രും മേ​ഘാ​ല​യ​ക്കാ​രാ​യ ര​ണ്ടു പേ​രും ഇ​തി​ൽ ഉ​ൾ​പ്പെ​ടു​ന്നു. വൈ​കു​ന്നേ​ര​ത്തോ​ടെ ര​ണ്ടുകെഎ​സ്ആ​ർ​ടി​സി ബ​സു​ക​ളി​ലാ​യി ഇ​വ​രെ എ​റ​ണാ​കു​ള​ത്തെ​ത്തി​ക്കും.

കോ​ട്ട​യ​ത്തു നി​ന്ന് ഇ​ന്ന​ലെ രാ​ത്രി​യി​ൽ പ​ശ്ചി​മ ബം​ഗാ​ളി​ലേ​ക്ക് മ​ട​ങ്ങിയ ട്രെ​യി​നി​ലു​ള്ള​തു 1464 അ​തി​ഥിത്തൊ​ഴി​ലാ​ളി​ക​ളാ​ണ്. വി​വി​ധ താ​ലൂ​ക്കു​ക​ളി​ൽ​നി​ന്നു​ള്ള തൊ​ഴി​ലാ​ളി​ക​ളെ കെഎ​സ്ആ​ർ​ടി​സി ബ​സു​ക​ളി​ൽ റെ​യി​ൽ​വേ സ്റ്റേ​ഷ​നി​ൽ എ​ത്തി​ച്ചു.

കെ​ട്ടി​ട​ത്തി​ൽ​നി​ന്നു വീ​ണു പ​രി​ക്കേ​റ്റ പ​ശ്ചി​മ ബം​ഗാ​ളി​ലെ കു​ച്ച് ബി​ഹാ​ർ ജി​ല്ല​യി​ൽ​നി​ന്നു​ള്ള അ​ങ്കു​ൽ ബ​ർ​മ​ൻ(21) എ​ന്ന തൊ​ഴി​ലാ​ളി​യെ ഈ​രാ​റ്റു​പേ​ട്ട​യി​ൽ​നി​ന്ന് ആം​ബു​ല​ൻ​സി​ൽ റെ​യി​ൽ​വേ സ്റ്റേ​ഷ​നി​ൽ എ​ത്തി​ച്ച​ശേ​ഷം ട്രെ​യി​നി​ൽ കി​ട​ത്തി​യാ​ണ് യാ​ത്ര​യാ​ക്കി​യ​ത്.