പാടത്തിറങ്ങാൻ മലയാളികളെ കിട്ടാനില്ല; ര​ണ്ടാം​വി​ള ഇ​റ​ക്കിയ പാടത്ത്  ന​ടീ​ൽ പ​ണി​ക്കാ​യി ബം​ഗാ​ളി​ക​ളെ​ത്തി

നെന്മാറ: മ​ഴ കി​ട്ടി​യ​തോ​ടെ പാ​ട​ശേ​ഖ​ര​ങ്ങ​ളി​ൽ ന​ടീ​ൽ പ​ണി​ക​ൾ സ​ജീ​വ​മാ​യി. നെന്മാറ, അ​യി​ലൂ​ർ കൃ​ഷി​ഭ​വ​നു​കീ​ഴി​ലെ പാ​ട​ശേ​ഖ​ര​ങ്ങ​ളി​ലാ​ണ് ഇ​പ്പോ​ൾ ന​ടീ​ൽ ന​ട​ത്തു​ന്ന​ത്.

ക​ഴി​ഞ്ഞ ദി​വ​സ​ങ്ങ​ളി​ൽ ല​ഭി​ച്ച ന​ല്ല മ​ഴ​യി​ൽ വെ​ള്ളം കെ​ട്ടി നി​ർ​ത്തി ഉ​ഴു​തു മ​റി​ച്ചാ​ണ് ക​ർ​ഷ​ക​ർ ന​ടീ​ൽ തു​ട​ങ്ങി​യ​ത്. തൊ​ഴി​ലാ​ളി​ക​ളു​ടെ ക്ഷാ​മം മൂ​ലം ഇ​ത്ത​വ​ണ​യും ന​ടീ​ൽ ന​ട​ത്തു​ന്ന​തി​ന് ബം​ഗാ​ളി​ക​ളെ​യാ​ണ് ക​ർ​ഷ​ക​ർ കൂ​ടു​ത​ലും ആ​ശ്ര​യി​ക്കു​ന്ന​ത്.

അ​യി​ലൂ​ർ ക​യ്പ​ഞ്ചേ​രി, ക​ണ്ണി​യ​മം​ഗ​ലം പാ​ട​ശേ​ഖ​ര​ങ്ങ​ളി​ൽ ന​ടീ​ൽ പ​ണി​ക​ൾ​ക്കാ​യി എ​ത്തി​യ​ത് ബം​ഗാ​ളി​ലെ പ​ശ്ചി​മ കോ​ൽ​ക്ക​ത്ത​യി​ൽ നി​ന്നു​ള്ള സ​ലാം, സെ​യ്ത്, പി​ൻ​റു തു​ട​ങ്ങി​യ​വ​രു​ടെ നേ​തൃ​ത്വ​ത്തി​ലു​ള്ള സം​ഘ​മാ​ണ്.

ഞാ​റ്റ​ടി പ​റി​ച്ച് ന​ടീ​ൽ ന​ട​ത്തു​ന്ന​തി​ന് ഏ​ക്ക​റി​ന് 4000 രൂ​പ​യാ​ണ് കൂ​ലി​യാ​യി വാ​ങ്ങു​ന്ന​തെ​ന്ന് ക​ണി​മം​ഗ​ലം പാ​ട​ത്തെ കൃ​ഷി​യി​റ​ക്കി​യ മു​ര​ളീ​ധ​ര​ൻ എ​ന്ന ക​ർ​ഷ​ക​ൻ പ​റ​ഞ്ഞു.

വി​ത​യി​ൽ ക​ള പെ​രു​കു​മെ​ന്ന പേ​ടി​യി​ലാ​ണ് നെ​ൽ​പ്പാ​ട​ങ്ങ​ളി​ൽ ക​ർ​ഷ​ക​ർ ഞാ​റ്റ​ടി ത​യ്യാ​റാ​ക്കി​യ​ത്. കു​റ​ച്ച് ദി​വ​സ​ത്തെ മൂ​പ്പു കു​റ​വു​ണ്ടെ​ങ്കി​ലും ബം​ഗാ​ളി തൊ​ഴി​ലാ​ളി​ക​ൾ പ​ണി​ക്കെ​ത്തി​യ​തോ​ടെ ന​ടീ​ൽ ന​ട​ത്തു​ക​യാ​യി​രു​ന്നു.

കി​ഴ​ക്ക​ൻ മ​ഴ ശ​ക്ത​മാ​കു​ന്പോ​ഴേ​ക്കും ന​ടീ​ൽ പൂ​ർ​ത്തി​യാ​യാ​ൽ ഒ​ന്നാം വ​ള​പ്ര​യോ​ഗം ന​ട​ത്താ​മെ​ന്ന പ്ര​തീ​ക്ഷ​യി​ലാ​ണ് ക​ർ​ഷ​ക​ർ.