‘ഭാ​യി​മാ​ർ’സ്വന്തം നാടുകളിൽ; നാട്ടിൽ ഒരു പണിയും നടക്കാത്ത സ്ഥിതി! നാടിനെ ഇങ്ങനെ ഒരവസ്ഥയിലേക്ക് എത്തിച്ചത് മലയാളികൾ തന്നെയോ?

ക​ടു​ത്തു​രു​ത്തി: കോ​വി​ഡും ലോ​ക്ഡൗ​ണു​മെ​ല്ലാ​മാ​യി ഭാ​യി​മാ​ർ സ്വ​ന്തം നാ​ടു​ക​ളി​ലേ​ക്ക് മ​ട​ങ്ങി​യ​തോ​ടെ നി​ർ​മാ​ണ മേ​ഖ​ല​യി​ലും ത​ള​ർ​ച്ച പ്ര​ക​ട​മാ​യി.

വ​ഴി​യോ​ര​ക്ക​ച്ച​വ​ട​ങ്ങ​ളി​ൽ മു​ത​ൽ ഭ​ക്ഷ​ണ ശാ​ല​യി​ലും വ​ൻ​കി​ട സ്ഥാ​പ​ന​ങ്ങ​ളി​ലും ഭാ​യി​മാ​രു​ടെ സാ​ന്നി​ധ്യം പ്ര​ക​ട​മാ​യി​രു​ന്നു. കേ​ര​ള​ത്തി​ലെ പാ​ട​ശേ​ഖ​ര​ങ്ങ​ളി​ൽ നെ​ൽ​ക്കൃ​ഷി​ക്കു​ൾ​പ്പെ​ടെ ഭാ​യി​മാ​രു​ടെ സാ​ന്നി​ധ്യ​മു​ണ്ടാ​യി​രു​ന്നു.

ഭാ​യി​മാ​രി​ല്ലാ​തെ നാ​ട്ടി​ലെ ഒ​രു പ​ണി​യും ന​ട​ക്കാ​ത്ത സ്ഥി​തി വി​ശേ​ഷ​ത്തി​ലേ​ക്കു മ​ല​യാ​ളി​ക​ൾ ത​ന്നെ കാ​ര്യ​ങ്ങ​ൾ എ​ത്തി​ച്ചി​രു​ന്നു. എ​ന്നാ​ൽ ഭാ​യി​മാ​രു​ടെ നാ​ട്ടി​ലേ​ക്കു​ള്ള മ​ട​ക്കം ഏ​റ്റ​വും അ​ധി​കം ബാ​ധി​ച്ച മേ​ഖ​ല​ക​ളി​ലൊ​ന്നാ​ണ് നി​ർ​മാ​ണ മേ​ഖ​ല.

പ്രതിസന്ധിയിൽ നിർമാണമേഖല
കെ​ട്ടി​ട നി​ർ​മാ​ണം ഉ​ൾ​പ്പെ​ടെ തൊ​ഴി​ൽ മേ​ഖ​ല​യി​ൽ ക​രാ​ർ എ​ടു​ക്കു​ന്ന​വ​ർ​ക്ക് പ​റ​ഞ്ഞ സ​മ​യ​ത്ത് ജോ​ലി തീ​ർ​ത്തു ന​ൽ​കു​ന്ന​തി​ൽ ഭാ​യി​മാ​രു​ടെ പ​ങ്ക് വ​ള​രെ വ​ലു​താ​യി​രു​ന്നു.

ഇ​ക്കാ​ര​ണം കൊ​ണ്ടു ത​ന്നെ അ​തി​ഥി തൊ​ഴി​ലാ​ളി​ക​ളു​ടെ ക്ഷാ​മം ഏ​റ്റ​വു​മ​ധി​കം ബാ​ധി​ച്ച​ത് നി​ർ​മാ​ണ മേ​ഖ​ല​യെ​യാ​ണ്. വി​ദ​ഗ്ധ തൊ​ഴി​ലാ​ളി​ക​ളു​ടെ അ​ഭാ​വ​വും നാ​ട്ടി​ലു​ള്ള പ​ണി​ക്കു വി​ളി​ച്ചാ​ൽ ഇ​വ​ർ​ക്കു കൂ​ലി കൂ​ടു​ത​ൽ കൊ​ടു​ക്കേ​ണ്ടി വ​രു​ന്ന​ത് നി​ർ​മാ​ണ മേ​ഖ​ല​യി​ൽ വ​ൻ ബാ​ധ്യ​ത​യാ​ണ് വ​രു​ത്തി വ​യ്ക്കു​ന്ന​ത്.

മു​ന്പ് 500 രൂ​പ മു​ത​ൽ 800 രൂ​പ വ​രെ കൂ​ലി ന​ൽ​കി​യാ​ണ് ജോ​ലി​ക്കാ​രെ നി​ർ​ത്തി​യി​രു​ന്ന​തെ​ങ്കി​ൽ മ​ല​യാ​ളി​ക​ളെ മാ​ത്രം ആ​ശ്ര​യി​ക്കേ​ണ്ടി വ​ന്ന​തോ​ടെ 1200 രൂ​പ വ​രെ കൂ​ലി ന​ൽ​കേ​ണ്ടി വ​രു​ന്നു. ടൈ​ൽ പ​തി​ക്ക​ൽ, ഇ​ന്‍റീ​രി​യ​ർ വ​ർ​ക്ക്, മാ​ർ​ബി​ൾ വ​ർ​ക്ക് എ​ന്നി​വ​യ്ക്കെ​ല്ലാം ജോ​ലി​ക്കാ​രെ അ​ന്വേ​ഷി​ച്ചു ന​ട​ക്കേ​ണ്ട സ്ഥി​തി​യാ​ണ്.

കൂലി കൂടുതൽ
അ​തി​ഥി തൊ​ഴി​ലാ​ളി​ക​ൾ കു​റ​ഞ്ഞ​പ്പോ​ൾ ഇ​വി​ടു​ള്ള​വ​ർ​ക്ക് കൂ​ടു​ത​ൽ കൂ​ലി കൊ​ടു​ക്കേ​ണ്ട സ്ഥി​തി​യാ​ണ്. 800 രൂ​പ വ​രെ​യാ​യി​രു​ന്നു കോ​ണ്‍​ക്രീ​റ്റ് പ​ണി​ക്കു മു​ന്പു​ണ്ടാ​യി​രു​ന്ന കൂ​ലി. ഇ​പ്പോ​ളി​തും വ​ർ​ധി​ച്ചു​വെ​ന്നാ​ണ് ക​രാ​റു​കാ​ർ പ​റ​യു​ന്ന​ത്.

മു​ന്പ് ഒ​രു ദി​വ​സം കൊ​ണ്ട് ഭാ​യി​മാ​ർ ചെ​യ്തു തീ​ർ​ത്തി​രു​ന്ന കോ​ണ്‍​ക്രീ​റ്റിം​ഗ് ജോ​ലി​ക​ൾ ഇ​പ്പോ​ൾ നാ​ട്ടി​ലെ പ​ണി​ക്കാ​രെ വ​ച്ചു ചെ​യ്യി​ക്ക​ണ​മെ​ങ്കി​ൽ തൊ​ഴി​ലാ​ളി​ക​ൾ കൂ​ടു​ത​ൽ വേ​ണ്ടി വ​രും.

ഒ​രു യൂ​ണി​റ്റ് (100 ച​തു​ര​ശ്ര അ​ടി) തേ​പ്പ് പ​ണി​ക്ക് 1000 രൂ​പ​യാ​യി​രു​ന്നു മു​ന്പ​ത്തെ കൂ​ലി. ഇ​പ്പോ​ള​തി​ലും മാ​റ്റ​മു​ണ്ടാ​യി​ട്ടു​ണ്ട്. ചി​ല സ്ഥ​ല​ങ്ങ​ളി​ൽ കൂ​ലി​യി​ൽ വ്യ​ത്യാ​സ​ങ്ങ​ളു​ണ്ട്.

കരാറുകാർ വലഞ്ഞു
എ​സ്റ്റി​മേ​റ്റ് ത​യാ​റാ​ക്കി എ​ഗ്രി​മെ​ന്‍റ് വ​ച്ചാ​ണ് സ​ർ​ക്കാ​രി​ന്‍റെ നി​ർ​മാ​ണ പ്ര​വ​ർ​ത്തി​ക​ൾ ഏ​റ്റെ​ടു​ക്കു​ന്ന​ത്. തൊ​ഴി​ലാ​ളി​ക​ളു​ടെ കു​റ​വു​ണ്ടാ​യ​പ്പോ​ൾ കൂ​ലി കൂ​ടു​ത​ൽ കൊ​ടു​ക്കേ​ണ്ടി വ​രു​ന്നു.

നി​ർ​മാ​ണ സാ​മ​ഗ്രി​ക​ളു​ടെ വി​ല​ക്കൂ​ടു​ത​ലും ഈ ​മേ​ഖ​ല​യി​ലു​ണ്ടാ​ക്കു​ന്ന ബാ​ധ്യ​ത വ​ലു​താ​ണ്. പ​ഴ​യ എ​സ്റ്റി​മേ​റ്റി​ന് ഏ​റ്റെ​ടു​ത്ത പ​ണി പൂ​ർ​ത്തി​യാ​ക്കാ​നാ​കാ​ത്ത സ്ഥി​തി വി​ശേ​ഷ​മാ​ണ് ഇ​പ്പോ​ൾ നാ​ട്ടി​ലു​ള്ള​ത്.

നി​ർ​മാ​ണം പൂ​ർ​ത്തി​യാ​ക്കേ​ണ്ട പ്ര​വൃ​ത്തി​ക​ളു​ടെ സ​മ​യ​പ​രി​ധി കോ​വി​ഡി​നെ തു​ട​ർ​ന്ന് നീ​ട്ടി ന​ൽ​കി​യി​ട്ടു​ണ്ടെ​ങ്കി​ലും ഭാ​യി​മാ​ർ എ​ത്താ​തെ ക​രാ​റു​കാ​രു​ടെ പ്ര​ശ്ന​ത്തി​ന് പ​രി​ഹാ​ര​മാ​വി​ല്ല.