ബംഗളുരു: എടികെയെ എതിരില്ലാത്ത ഒരു ഗോളിനു തകർത്ത് ബംഗളുരു എഫ്സി വീണ്ടും ഐഎസ്എൽ പോയിന്റ് പട്ടികയിൽ ഒന്നാം സ്ഥാനത്തെത്തി. 39-ാം മിനിറ്റിൽ സുനിൽ ഛേത്രി നേടിയ ഗോളാണ് ബംഗളുരുവിനു വിജയം സമ്മാനിച്ചത്.
ജയത്തോടെ പോയിന്റ് നേട്ടം 18 ആയി ഉയർന്ന ബംഗളുരു, ചെന്നൈയിൻ എഫ്സിയെ രണ്ടാം സ്ഥാനത്തേക്കു പിന്തള്ളി. ഒന്പതു മത്സരങ്ങളിൽനിന്ന് ചെന്നൈയിന് 17 പോയിന്റാണുള്ളത്. എട്ടു മത്സരങ്ങളിൽനിന്ന് ഒന്പതു പോയിന്റ് മാത്രമുള്ള എടികെ പട്ടികയിൽ ഏഴാം സ്ഥാനത്താണ്.
ഇന്നു നടന്ന ആദ്യ മത്സരത്തിൽ ഡൽഹി ഡൈനമോസ് ചെന്നൈയിൻ എഫ്സിയെ സമനിലയിൽ കുരുക്കിയിരുന്നു. ഇരുടീമുകളും രണ്ടുഗോൾ വീതം നേടി.
