കടുവ നമ്മുടെ ദേശീ‌യ മൃഗമാണെങ്കിലും അടുത്തു വന്നാൽ ആരായാലും ഒന്ന് പേടിച്ചു പോകും. ചില സ്ഥലങ്ങളിൽ കടുവയെ ഇണക്കി വളർത്തുന്നവരുണ്ട്.
ഇപ്പോഴിതാ ബംഗാള്‍ കടുവയുമായി ഒരു യുവാവ് അത്യാവശ്യം തിരക്കുള്ള ഒരു റോഡിലൂടെ പോകുന്ന വീഡിയോ സാമൂഹിക മാധ്യമങ്ങളില്‍ വൈറലാവുകയാണ്.
കടുവയുടെ കഴുത്തിൽ ചങ്ങല കൊണ്ടൊരു തുടലുമുണ്ട്. അത് യുവാവിന്‍റെ കയ്യിൽ പിടിച്ചിട്ടുണ്ട്. ധാരാളം വാഹനങ്ങൾ റോഡിനു ഇരു വശത്തുമായി പോകുന്നുണ്ട്.
വാഹനങ്ങൾക്ക് നേരെ കടുവ ചാടി അടുക്കാന്‍ നോക്കുന്നുണ്ട്. യുവാവാകട്ടെ പണിപെട്ട് കടുവയെ മെരുക്കാൻ ശ്രമിക്കുന്നതു വീഡിയോയിൽ കാണാൻ സാധിക്കും.
കടുവ ആദ്യമായാണ് റോഡിൽ ഇറങ്ങിയതെന്നു വീഡിയോയിൽ നിന്നു മനസിലാകും. പാകിസ്ഥാനിലെ ലാഹോറില്‍ നിന്നുള്ള ഓണ്‍ലൈന്‍ സെലിബ്രിറ്റിയായ നൂമാൻ ഹസ്സനാണ് വീഡിയോയില്‍ കടുവയുടെ കൂടെയുള്ള യുവാവ്.
വളരെ പെട്ടെന്ന് തന്നെ ഇവരുടെ വീഡിയോ വെെറലായി. എന്നാൽ ധാരാളം ആളുകളാണ് വീഡിയോക്ക് കമന്‍റ് നൽകിയിരിക്കുന്നത്.
എന്നാൽ യുവാവിനെ വിമർശിക്കുന്നവരും കുറവല്ല. വാഹനങ്ങൾ ധാരാളം പോകുന്ന റോഡിൽ കൂടി ഇത്തരം മൃഗങ്ങളെ കൊണ്ട് പോകുന്നത് അപകടം ക്ഷണിച്ചു വരുത്തുകയാണെന്നാണ് വിമർശകർ പറയുന്നത്. വീഡിയോ കാണാൻ ഇവിടെ ക്ലിക് ചെയ്യുക.
