കൂട്ടുകാര്‍ക്ക് മുന്നില്‍ ആളാകാന്‍ കാമുകിയുമൊത്തുള്ള സ്വകാര്യ നിമിഷങ്ങള്‍ കൂട്ടുകാര്‍ക്കയച്ച മലയാളി യുവാവിന് കിട്ടിയത് എട്ടിന്റെ പണി. ബംഗളൂരുവില്‍ ജോലിചെയ്യുന്ന മലയാളി ടെക്കി യുവാവിന് എട്ടിന്റെ പണി. കാമുകിയുമൊത്ത് ഫ്‌ലാറ്റില്‍ ചിലവഴിച്ച സ്വകാര്യ നിമിഷങ്ങള്‍ വാട്‌സ്അപ്പിലൂടെ ഭാര്യയ്ക്ക് അയച്ചാണ് മലയാളി സോഫ്റ്റ്‌വെയര്‍ എന്‍ജിനീയര്‍ പുലിവാല് പിടിച്ചത്. വിവാഹ മോചനത്തിനു കേസ് ഫയല്‍ ചെയ്ത ഭാര്യ, ഭര്‍ത്താവിനെതിരെ അശ്ലീല ചിത്രം പ്രചരിപ്പിച്ചതിനു കേസും നല്‍കി. രണ്ടാഴ്ച മുമ്പായിരുന്നു കേസിനാസ്പദമായ സംഭവം. ബംഗളൂരുവിലെ പ്രമുഖ സ്വകാര്യ സ്ഥാപനത്തില്‍ സോഫ്റ്റ് വെയര്‍ എന്‍ജിനീയറാണ് പാലക്കാട് സ്വദേശിയായ യുവാവ്. മറ്റൊരു സ്ഥാപനത്തിലെ ജീവനക്കാരിയാണ് ഇയാളുടെ ഭാര്യ.
ഓഫിസ് ജോലിയുടെ ഭാഗമായി സെപ്റ്റംബര്‍ ആദ്യ വാരം ഇയാളുടെ ഭാര്യ വിദേശത്തേക്കു പോയിരുന്നു. ഇതിനിടെ ഇയാള്‍ പല തവണ കാമുകിയെ സ്വന്തം ഫ്‌ളാറ്റില്‍ വിളിച്ചു വരുത്തിയിരുന്നു. ഭാര്യ ഇല്ലാത്ത സമയത്ത് ഇരുവരും ചേര്‍ന്നുള്ള സ്വകാര്യ നിമിഷങ്ങള്‍ യുവാവ് സ്വന്തം മൊബൈലില്‍ ചിത്രീകരിക്കുകയും ചെയ്തു. ഇതിനിടെ കഴിഞ്ഞ ദിവസം ഭാര്യയുമായി വാട്‌സ്അപ്പില്‍ ചാറ്റ് ചെയ്യുന്നതിനിടെ അബദ്ധത്തില്‍ കാമുകിയുമൊത്തുള്ള രഹസ്യ വീഡിയോ യുവാവ് അയക്കുകയായിരുന്നു.
ഈ വീഡിയോ കണ്ട ഭാര്യ തൊട്ടടുത്ത ദിവസം തന്നെ വിദേശത്തു നിന്നു മടങ്ങിയെത്തി. തുടര്‍ന്നു ഭര്‍ത്താവിനെതിരെ സൈബര്‍ പൊലീസ് സ്‌റ്റേഷനില്‍ പരാതി നല്‍കി. തുടര്‍ന്നു പാലക്കാട് കോടതിയില്‍ വിവാഹമോചനത്തിനു കേസും ഫയല്‍ ചെയ്തു. വീഡിയോ ദൃശ്യങ്ങള്‍ സംബന്ധിച്ചു ഭാര്യയെ ബോധ്യപ്പെടുത്താന്‍ ശ്രമിച്ചെങ്കിലും സാധിച്ചില്ല. ഇതിനിടെ ഒത്തു തീര്‍പ്പിനു യുവാവിന്റെ സുഹൃത്തുക്കള്‍ ശ്രമക്കുന്നുമുണ്ട്.
