മാ​തൃ​കാ ഡ്രൈ​വ​ർ​ക്കു​ള്ള സം​സ്ഥാ​ന അ​വാ​ർ​ഡ് ക​ടു​ത്തു​രു​ത്തി സ്വ​ദേ​ശി കെ.പി.ബോസിന്; 32വർഷമായി വാഹനമോടി ക്കുന്ന ബോസിന് ഇതുവരെ അപകടമോ കേസോ ഉണ്ടായിട്ടില്ല

ക​ടു​ത്തു​രു​ത്തി: റോ​ഡ് ആ​ക്സി​ഡ​ന്‍റ് ആ​ക്ഷ​ൻ ഫോ​റ​ത്തി​ന്‍റെ (ആ​ർ​എ​എ​ഫ്) മാ​തൃ​കാ ഡ്രൈ​വ​ർ​ക്കു​ള്ള സം​സ്ഥാ​ന അ​വാ​ർ​ഡ് ക​ടു​ത്തു​രു​ത്തി സ്വ​ദേ​ശി​ക്ക്. അ​ല​രി ക​ണ്ണ​ന്ത​റ​യി​ൽ കെ.​പി. ബോ​സി​ന് ആ​ണ് അ​വാ​ർ​ഡ് ല​ഭി​ച്ച​ത്. 32 വ​ർ​ഷ​മാ​യി ഹെ​വി ഉ​ൾ​പെ​ടെ​യു​ള്ള വാ​ഹ​ന​ങ്ങ​ൾ ഓ​ടി​ക്കു​ന്ന ബോ​സി​ന് ഇ​തു​വ​രെ അ​പ​ക​ട​ങ്ങ​ളോ, കേ​സു​ക​ളോ നേ​രി​ടേ​ണ്ടി വ​ന്ന​ട്ടി​ല്ല.

ഇ​താ​ണ് ബോ​സി​നെ അ​വാ​ർ​ഡി​ന​ർ​ഹ​നാ​ക്കി​യ​ത്. 1985 കാ​ല​ത്താ​ണ് ബോ​സ് ഡ്രൈ​വിം​ഗ് മേ​ഖ​ല​യി​ലേ​ക്ക് എ​ത്തു​ന്ന​ത്. ക​ടു​ത്തു​രു​ത്തി സ്റ്റാൻ​ഡി​ൽ ഓ​ട്ടോ​റി​ക്ഷ ഡ്രൈ​വ​റാ​യി​ട്ടാ​ണ് തു​ട​ക്കം. പി​ന്നീ​ട് വ​ലി​യ വാ​ഹ​ന​ങ്ങ​ളി​ലേ​ക്ക് മാ​റൂ​ക​യാ​യി​രു​ന്നു. ഇ​പ്പോ​ൾ ക​ടു​ത്തു​രു​ത്തി​യി​ൽ പി​ക്ക​പ്പ് ഓ​ടി​ക്കു​ക​യാ​ണ് ഇ​ദേ​ഹം. പോ​ലീ​സ്, ആ​ർ​റ്റി​ഒ എ​ന്നി​വ​ട​ങ്ങ​ളി​ൽ നി​ന്നും ല​ഭി​ക്കു​ന്ന റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ലാ​ണ് അ​വാ​ർ​ഡി​ന​ർ​ഹ​രാ​യ​വ​രെ തെ​ര​ഞ്ഞെ​ടു​ക്കു​ന്ന​ത്.

മ​ല​പ്പു​റ​ത്ത് വ​ച്ചു ത​ദ്ദേ​ശ​സ്വ​യം​ഭ​ര​ണ വ​കു​പ്പ് മ​ന്ത്രി​യി​ൽ നി​ന്നും മാ​തൃ​കാ ഡ്രൈ​വ​ർ​ക്കു​ള്ള അ​വാ​ർ​ഡ് ബോ​സ് ഏ​റ്റു​വാ​ങ്ങി. കോ​ട്ട​യം ജി​ല്ല​യി​ൽ ബോ​സ് ഉ​ൾ​പെ​ടെ നാ​ല് പേ​ർ​ക്കാ​ണ് അ​വാ​ർ​ഡ് ല​ഭി​ച്ച​ത്. അ​ല​രി പു​രു​ഷ സ്വാ​ശ്ര​യ​സം​ഘ​ത്തി​ലെ അം​ഗ​മാ​യ ബോ​സി​ന് ഇ​ന്ന​ലെ സം​ഘ​ത്തി​ന്‍റെ നേ​തൃ​ത്വ​ത്തി​ൽ സ്വീ​ക​ര​ണം ന​ൽ​കി. സം​ഘം പ്ര​സി​ഡ​ന്‍റ് പ്ര​കാ​ശ് കു​മാ​ർ, സെ​ക്ര​ട്ട​റി വി.​കെ. സൂ​ര​ജ് എ​ന്നി​വ​ർ നേ​തൃ​ത്വം ന​ൽ​കി.