മലപ്പുറം: എടപ്പാള്‍ കണ്ടനകം ബവ്‌റിജസ് ഔട്ട്‌ലെറ്റില്‍ പോലീസുകാരുടെ അതിക്രമമെന്ന് പരാതി. പ്രവർത്തന സമയം കഴിഞ്ഞ് രാത്രി 9:30ക്ക് പോലീസുകാര്‍ക്ക് മദ്യവില്‍പ്പന നടത്തി. ഇതിന്‍റെ ദൃശ്യങ്ങള്‍ പകര്‍ത്തിയ ആളെ മർദിച്ചെന്നാണ് ആരോപണം.
കണ്ടനകം സ്വദേശി സുനീഷ് കുമാറിനാണ് മര്‍ദനമേറ്റത്. ഇയാള്‍ നിലവില്‍ എടപ്പാളിലെ സ്വകാര്യ ആശുപത്രിയില്‍ ചികിത്സയിലാണ്.
ചങ്ങരക്കുളം സ്റ്റേഷനിലെ പോലീസുകാരാണ് മര്‍ദിച്ചതെന്ന് ഇയാൾ ആരോപിച്ചു. പല ദിവസങ്ങളിലും സമയപരിധി കഴിഞ്ഞ് പോലീസുകാര്‍ ഇവിടെനിന്ന് മദ്യം വാങ്ങാറുണ്ടെന്ന് നാട്ടുകാർ പറഞ്ഞു. സംഭവത്തില്‍ സ്‌പെഷല്‍ ബ്രാഞ്ച് അന്വേഷണം ആരംഭിച്ചിട്ടുണ്ട്.
