യുവനടിക്കെതിരേയുണ്ടായ ആക്രമണത്തിൽ സിനിമാമേഖലയിലെ പ്രമുഖരടക്കം പ്രതിഷേധവുമായി രംഗത്തെത്തിയിരുന്നു. ഇതിനിടെ വ്യത്യസ്തമായ ഒരു പ്രതിഷേധ വീഡിയോ സാമൂഹ്യമാധ്യമങ്ങളിൽ നിറയുകയാണ്.
അടുത്തിടെ പുറത്തിറങ്ങിയ റഹ്മാൻ ചിത്രം മറുപടിയിൽ നായിക ഭാമയുടെ കഥാപാത്രം പൊതുവേദിയിൽ പ്രസംഗിക്കുന്ന വീഡിയോയാണ് സോഷ്യൽ മീഡിയയിലെത്തിയത്. ഓരോ സ്ത്രീയും ഇവിടെ ജീവിക്കുന്നത് യുദ്ധമുഖത്ത് എന്നപോലെയാണെന്നും ഏതു സമയത്തും അക്രമി അവളുടെമേൽ ചാടിവീഴാമെന്നുമാണ് ഡയലോഗ്. യുദ്ധത്തടവുകാർക്ക് ലഭിക്കുന്ന നീതി പോലും ആക്രമണത്തിനിരയായ പെണ്‍കുട്ടിക്ക് കിട്ടുന്നില്ലെന്നും ഭാമയുടെ കഥാപാത്രം പറയുന്നുണ്ട്.
നടിയും ഡബ്ബിംഗ് ആർട്ടിസ്റ്റുമായ ഭാഗ്യലക്ഷ്മി അടക്കം പ്രമുഖർ വീഡിയോ ക്ലിപ്പ് ഷെയർ ചെയ്തതോടെയാണ് വീഡിയോ ക്ലിപ്പ് വൈറലായി മാറിയത്. നാമെല്ലാവരും പറയാൻ ആഗ്രഹിക്കുന്ന വാക്കുകളാണ് ഇവയെന്ന അടിക്കുറിപ്പോടെയാണ് ഭാഗ്യലക്ഷ്മി വീഡിയോ പോസ്റ്റ് ചെയ്തിരിക്കുന്നത്. ഇന്നത്തെ കേരളസമൂഹത്തെ ചിന്തിപ്പിക്കുന്ന ഡയലോഗ് ആണ് ഇതെന്ന് പലരും അഭിപ്രായപ്പെടുന്നു.
വീഡിയോ കാണാം:
