ഇന്ത്യന്‍ ക്ലാസിക്കല്‍ നൃത്തത്തിന് ലോകമെമ്പാടും ആരാധകരുണ്ട്. വിദേശ രാജ്യങ്ങളില്‍ നിന്നും ഇന്ത്യയിലെത്തി നൃത്തം അഭ്യസിക്കുന്നവര്‍ ധാരാളമാണ്.
അതോടൊപ്പം വിദേശത്തേക്കുപോകുന്ന ഇന്ത്യക്കാര്‍ തങ്ങളുടെ കഴിവിനെ അവിടെവച്ചും പരിപോഷിപ്പിക്കാന്‍ ശ്രമിക്കാറുമുണ്ട്.
അത്തരത്തിലൊരു വീഡിയോയാണ് ഇപ്പോള്‍ തരംഗമാകുന്നത്. യുഎസ്എയിലെ വാഷിംഗ്ടണ്‍ സ്മാരകത്തിന് മുന്നില്‍ ഇന്ത്യന്‍ ക്ലാസിക്കല്‍ നൃത്തമായ ഭരതനാട്യമാണ് യുവതി അവതരിപ്പിക്കുന്നത്.
സ്വാതി ജയശങ്കര്‍ എന്നയാളുടെ ഇന്‍സ്റ്റഗ്രാം അക്കൗണ്ടില്‍ നിന്നാണ് വീഡിയോ പോസ്റ്റ് ചെയ്തിരിക്കുന്നത്. ഭരതനാട്യ നര്‍ത്തകിയായ സ്വാതി ഇത്തരത്തിലുള്ള നൃത്ത വീഡിയോകള്‍ തന്‍റെ ഇന്‍സ്റ്റഗ്രാം അക്കൗണ്ടിലൂടെ ഇതിന് മുമ്പും പങ്ക് വെച്ചിട്ടുണ്ട്.
ഏഴേ മുക്കാല്‍ ലക്ഷത്തിലധികം ആളുകളാണ് വീഡിയോ ഇതിനോടകം കണ്ടിരിക്കുന്നത്.
