പെരുവ: മദ്യലഹരിയിൽ കെട്ടിടത്തിന് മുകളിൽ കയറി ആത്മഹത്യാ ഭീഷണി മുഴക്കിയ ആളെ ഫയർഫോഴ്സ് എത്തി താഴെയിറക്കി. വൈകുന്നേരം ആറരയോടെയാണ് സംഭവം. പെരുവ കുന്നപ്പള്ളി ആലയ്ക്കൽ കുഞ്ഞുകുഞ്ഞ് (56) ആണ് ആത്മഹത്യാഭീഷണി മുഴക്കിയത്. മദ്യലഹരിയിൽ ഇയാൾ വീട്ടുമുറ്റത്തുളള ചെടികളും മരങ്ങളും വെട്ടിനശിപ്പിച്ചു.
തുടർന്ന് വീടിനുളളിലെ ഫർണിച്ചറുകൾ തകർത്ത ശേഷം വീടിന് മുകളിൽ കയറി ആത്മഹത്യാഭീഷണി നടത്തുകയായിരുന്നു. നാട്ടുകാർ വിവരമറിയിച്ചതിനെ തുടർന്ന് ഫയർഫോഴ്സെത്തി ഇയാളെ വലയെറിഞ്ഞു കുടുക്കിൽപെടുത്തി താഴെയിറക്കുകയായിരുന്നു.
