മമ്മൂട്ടിയെ കേന്ദ്രകഥാപാത്രമാക്കി രാഹുൽ സദാശിവൻ സംവിധാനം ചെയ്ത ‘ഭ്രമയുഗം’ റിലീസ് ചെയ്തതിനു പിന്നാലെ ഗംഭീര പ്രതികരണമാണ് പ്രേക്ഷകരിൽ നിന്നു ലഭിക്കുന്നത്. കഥാപാത്രത്തിന്‍റെ മൂല്യം ഒരിറ്റു പോലും ചോരാതെ ബിഗ് സ്ക്രീനിൽ എത്തിച്ച് ഞെട്ടിച്ച മമ്മൂട്ടിക്ക് എങ്ങും ആശംസകളുടെ പ്രവാഹം ആണ്. ഇപ്പോഴിതാ മമ്മൂട്ടി പങ്കുവച്ച ഫോട്ടോയും അതിന് ദുൽഖർ സൽമാൻ നൽകിയ മറുപടിയുമാണ് ശ്രദ്ധനേടുന്നത്.
ഭ്രമയുഗം എന്ന ഹാഷ്ടാഗോട് ആണ് മമ്മൂട്ടി തന്‍റെ സോഷ്യൽ മീഡിയ അക്കൗണ്ടുകളിൽ ഫോട്ടോ പങ്കുവച്ചിരിക്കുന്നത്. കിസ് സ്മൈലിയാണ് ദുൽഖർ പോസ്റ്റിന് കമന്‍റ് ചെയ്തിരിക്കുന്നത്. പിന്നാലെ ആരാധക വൃന്ദവും കമന്‍റുകളുമായി രംഗത്തെത്തി. ‘രാക്ഷസനടികർ, ഈ മഹാനടന്‍റെ ആരാധകൻ ആയതിൽ ഒത്തിരി അഭിമാനിക്കുന്നു, എല്ലാം ഒപ്പിച്ചുവച്ചേച്ച് സ്മൈലി ഇട്ടു ഇരിക്യാ… അങ്ങനെ നീളുന്നു കമന്‍റുകൾ.
ഭ്രമയുഗത്തിലൂടെ കൊടുമൺ പോറ്റിയെന്ന കഥാപാത്രമായി മലയാളികളുടെ മമ്മൂക്ക ബിഗ് സ്ക്രീനിൽ നടന താണ്ഡവമാടുകയാണ്. മമ്മൂട്ടിയെ കൂടാതെ ചിത്രത്തിൽ അർജുൻ അശോകൻ, സിദ്ധാർത്ഥ് ഭരതൻ, അമാൽഡ ലിസ്, മണികണ്ഠൻ അചാരി തുടങ്ങിവർ പ്രധാന വേഷത്തിൽ എത്തിയിട്ടുണ്ട്. പോസ്റ്റ് കാണാൻ ഇവിടെ ക്ലിക് ചെയ്യുക.
