സ്വന്തം കുടുംബത്തിനായി സമയം ചിലവഴിക്കുന്ന സെലിബ്രിറ്റികളില്‍ ഒന്നാം നിരയിലാണ് ബോളിവുഡിലെ ബിഗ്ബി അമിതാഭ് ബച്ചന്റെ സ്ഥാനം. ട്വിറ്ററില്‍ ബച്ചന്‍ പോസ്റ്റ് ചെയത് പുതിയ കുറിപ്പും ചിത്രങ്ങളുമാണ് ഇപ്പോള്‍ സംസാരവിഷയം. മകളുടെ ഭര്‍ത്താവിന്റെ ഫാക്ടറി സന്ദര്‍ശിക്കുന്ന ബിഗ്ബിയുടെ ഫോട്ടോയും കുറിപ്പും ഇതിനോടകം സോഷ്യല്‍ മീഡിയയില്‍ വൈറലായിക്കഴിഞ്ഞു.
ബിഗ്ബിയുടെ മകള്‍ ശ്വേതയുടെ ഭര്‍ത്താവ് നിഖില്‍ നന്ദ മാനേജരായ കാര്‍ഷിക യന്ത്രങ്ങള്‍ നിര്‍മ്മിക്കുന്ന എസ്‌കോര്‍ട്ട് ലിമിറ്റഡ് കമ്പനിയിലാണ് ബിഗ്ബി സന്ദര്‍ശനം നടത്തിയത് . താന്‍ ഫാക്ടറി സന്ദര്‍ശിച്ച കാര്യം ആരാധകരെ അറിയിച്ചത് ബിഗ്ബി തന്നെയാണ്. ഫാക്ടറിയിലെ സന്ദര്‍ശനത്തിന് ശേഷം ട്രാക്ടര്‍ ഓടിക്കുന്ന ചിത്രവും ശ്വേതയുടെ മക്കളായ നവ്യ നവേലി, അഗസ്ത്യ എന്നിവര്‍ക്കൊപ്പമുള്ള ചിത്രങ്ങളും ബച്ചന്‍ തന്റെ ട്വിറ്റര്‍ പേജില്‍ പോസ്റ്റ് ചെയ്തിരുന്നു. വളരെ ഗൃഹാതുരത്വം ഉണര്‍ത്തുന്ന ഒരു സന്ദര്‍ശനമായിരുന്നു ഇതെന്നും ബിഗ്ബി പറയുന്നുണ്ട്.
