അബുദാബി: ബിഗ് ടിക്കറ്റ് സീരിസ് 259 ലൈവ് ഡ്രോയിൽ 20 മില്യൺ ദിർഹം ഗ്രാൻഡ് പ്രൈസ് അൽ എയ്നിൽ ഡ്രൈവറായ മുനാവർ ഫൈറൂസ് നേടി.
അഞ്ച് വർഷമായി സ്ഥിരമായി ബിഗ് ടിക്കറ്റ് കളിക്കുന്നയാളാണ് മുനാവർ. 30 സുഹൃത്തുക്കൾക്കൊപ്പമാണ് മുനാവർ ടിക്കറ്റെടുത്തത്. പ്രൈസ് മണി തുല്യമായി വീതിക്കാനാണ് തീരുമാനം.
ഗ്രാൻഡ് പ്രൈസിന് പുറമെ പത്ത് പേർ ഒരു ലക്ഷം ദിർഹം വീതം നേടി. ഇതേ നറുക്കെടുപ്പിൽതന്നെ ആഴ്ച്ചയിലെ നറുക്കെടുപ്പ് വിജയിയായി സുതേഷ് കുമാർ കുമരേശൻ എന്നയാളെ പ്രഖ്യാപിച്ചു. എത്തിഹാദ് എയർവെയ്സിൽ എൻജിനീയറാണ് സുതേഷ്.
