വിക്കി കൗശൽ ചിത്രം ബാഡ് ന്യൂസിലെ ട്രെൻഡിംഗ് ഡാൻസാണ് ‘തോബ തോബ’. യൂട്യൂബിലും ഇൻസ്റ്റയിലും ട്രെന്‍റിംഗ് ആണ് ഇപ്പോൾ. നിരവധി ആളുകളാണ് ഡാൻസിന് ചുവടുകളുമായി സോഷ്യൽ മീഡിയ അടക്കി വാഴുന്നത്.
ഇപ്പോഴിതാ ബിജു കുട്ടനും മകളും തോബ തോബയ്ക്ക് ചുവട് വച്ചതാണ് സോഷ്യൽ മീഡിയയിൽ ചർച്ച. ഒർജിലിനോട് കിടപിടിക്കുന്ന തരത്തിലാണ് അച്ഛന്‍റേയും മകളുടേയും ഡാൻസ്. ഇരുവരുടേയും ഡാൻസിന് മികച്ച പ്രതികരണമാണ് പ്രേക്ഷകർക്കിടയിൽ നിന്നും ലഭിക്കുന്നത്.
മൂന്ന് മില്യൺ ആളുകളാണ് ഇതിനോടകം ബിജുകുട്ടന്‍റെ ഇൻസ്റ്റഗ്രാം റീൽസ് കണ്ടത്. താരത്തിന്‍റെ ഹിറ്റ് ഡയലോഗായ ‘ഒന്നും പറയാനില്ല’ എന്നാണ് പലരും വീഡിയോ കണ്ട് കമന്‍റിട്ടത്. എന്നാൽ ഹേമ കമ്മിറ്റി റിപ്പോർട്ടിനു പിന്നാലെ താര സംഘടന അമ്മയിൽ നിന്നും സെക്രട്ടറിയും പ്രസിഡന്‍റുമുൾപ്പെടെയുള്ള നേതാക്കൻമാർ രാജി വച്ച സമയത്ത് തന്നെ വേണോ ഈ ഡാൻസ് എന്നും ചിലർ കമന്‍റ് ചെയ്തത്.
സാമ്രാജ്യം കത്തി എരിഞ്ഞപ്പോൾ ഗിറ്റാർ വായിച്ചു എന്ന് പറഞ്ഞപോലെ… മലയാള സിനിമ നിന്ന് കത്തുമ്പോൾ ഒരാൾ ഇവിടെ ഡാൻസ് കളിക്കുന്നു.’അമ്മ”യ്ക്ക് പ്രാണവേദന ബിജുകുട്ടന് വീണവായന, മടിയിൽ കനം ഇല്ലാത്തവന് ഭയം വേണ്ടാ എന്നിങ്ങനെ പോകുന്നു കമന്‍റുകൾ.വീഡിയോ കാണാൻ ഇവിടെ ക്ലിക് ചെയ്യുക.
