കോഴിക്കോട്: മലപ്പുറം ചങ്ങരംകുളത്ത് ബൈക്ക് കത്തി നശിച്ചു. പള്ളിക്കര സ്വദേശി ഷാജിയുടെ ഹീറോ ഹോണ്ട സ്‌പ്ലെന്‍ഡര്‍ ബൈക്കാണ് കത്തിനശിച്ചത്.
ട്രാന്‍സ്‌ഫോര്‍മറിന്‍റെ തൊട്ടുമുന്നില്‍ പാർക്ക് ചെയ്തിരിക്കുകയായിരുന്നു ബൈക്ക്. നിര്‍ത്തിയിട്ടിരുന്ന ബൈക്കിന് പെട്ടെന്ന് തീ പടരുകയായിരുന്നു.
നാട്ടുകാര്‍ തീ അണയ്ക്കാൻ ശ്രമിച്ചെങ്കിലും നടന്നില്ല. തീപിടിത്തത്തിന്‍റെ കാരണം വ്യക്തമായിട്ടില്ല. ഇന്നലെ രാത്രി 10.45 നാണ് സംഭവം നടന്നത്. ചങ്ങരംകുളം പോലീസ് സംഭവസ്ഥലത്തെത്തി പരിശോധന നടത്തി.
