പ്രേതങ്ങളെ പേടിയുള്ളവരായിരിക്കും മിക്ക ആളുകളും. പ്രേതമില്ലെന്ന് എത്രയൊക്കെ അവകാശപ്പെട്ടാലും ഉള്ളിന്‍റെ ഉള്ളിൽ എല്ലാവർക്കുമൊരു ഭയമുണ്ട്. നമ്മൾ രാത്രിയിൽ യാത്ര ചെയ്യുകയാണെന്ന് വിചാരിക്കുക. അപ്പോൾ അപ്രതീക്ഷിയമായി ഒരു രൂപം നമ്മുടെ വാഹനത്തിനു മുൻപിലേക്ക് വന്നാലെന്താകും അവസ്ഥ. ചിന്തിച്ച് നോക്കിയിട്ടുണ്ടോ? അത്തരത്തിലൊരു വീഡിയോ ആണിപ്പോൾ വൈറലാകുന്നത്. കഴിഞ്ഞ ദിവസം ഫിലിപ്പീയന്‍സില്‍ നിന്നുള്ള ഒരു ബൈക്ക് റൈഡറായ കാൾ ഡാഗസ് ആണ് വീഡിയോ പങ്കുവച്ചത്.
ഫിലിപ്പിയന്‍സിലെ കഗയാൻ ഡി ഓറോയിലെ ഒരു ദേശീയ പാതയിലൂടെ കാൾ ഡാഗസ് സുഹൃത്തുമൊത്ത് ബൈക്കുമായി പോകുകയായിരുന്നു. അപ്പോഴാണ് അപ്രതീക്ഷിതമായ സംഭവം നടന്നത്.
നഗരത്തിലൂടെ ഇവർ ബൈക്കിൽ പോകുകയായിരുന്നു പെട്ടെന്ന് റോഡ് കടന്നുകൊണ്ട് മനുഷ്യരൂപം പോലെ ഒന്ന് ബൈക്കിന് മുന്നിലൂടെ കടന്ന് പോയി. ഇത് കണ്ടപ്പോൾത്തന്നെ കാൾ ഡാഗസ് ബൈക്ക് നിർത്തി ചുറ്റുപാടും നോക്കി. എന്നാൽ എവിടെയും ആ രൂപത്തെ കാണാൻ സാധിച്ചില്ല. പക്ഷേ അദ്ദേഹത്തിന്‍റെ ഹെല്‍മറ്റില്‍ ഘടിപ്പിച്ച കാമറയില്‍ ആ രൂപത്തിന്‍റെ ചിത്രം പതിഞ്ഞിട്ടുണ്ട്.
ബൈക്കിന് മുന്നിലേക്ക് അപ്രതീക്ഷിതമായി കയറിവന്ന രൂപത്തിന്‍റെ മുഖം വ്യക്തമല്ലായിരുന്നു, അപ്രതീക്ഷിതമായ ഒരു കൂട്ടയിടി തന്നെ നടന്നിട്ടും ആ രൂപത്തെ പിന്നീട് കണ്ടെത്താന്‍ കഴിഞ്ഞില്ലന്ന് കാൾ ഡാഗസ് പറഞ്ഞു.
