കൊ​ട​ക​ര​യി​ൽ നി​ന്ന് നാ​ൽ​വ​ർ സം​ഘം ബൈ​ക്കി​ൽ പു​റ​പ്പെ​ട്ടു; ഇ​ന്ത്യ​യെ അ​റി​യാ​നും അ​യ​ൽ​നാ​ട​റി​യാ​നും അ​വ​ർ യാ​ത്ര തു​ട​ങ്ങി

സ്വ​ന്തം ലേ​ഖ​ക​ൻ

കൊ​ട​ക​ര: പു​സ്ത​ക​ത്താ​ളു​ക​ളി​ൽ വാ​യി​ച്ചു പ​ഠി​ച്ച ഇ​ന്ത്യ​യ​ല്ല യ​ഥാ​ർ​ത്ഥ ഇ​ന്ത്യ​യെ​ന്ന​റി​യു​ന്ന​തു​കൊ​ണ്ട് ഇ​ന്ത്യ​യെ​ന്ന മ​ഹാ​രാ​ജ്യ​ത്തി​ന്‍റെ ആ​ത്മാ​വ് തൊ​ട്ട​റി​യാ​ൻ കൊ​ട​ക​ര​യി​ൽ നി​ന്ന് നാ​ൽ​വ​ർ സം​ഘം ബൈ​ക്കി​ൽ ഇ​ന്ത്യ കാ​ണാ​ൻ യാ​ത്ര തി​രി​ച്ചു.

ഇ​ന്ത്യ​യു​ടെ അ​യ​ൽ​രാ​ജ്യ​ങ്ങ​ളാ​യ നേ​പ്പാ​ളും ഭൂ​ട്ടാ​നും ക​ണ്ട​ശേ​ഷ​മേ ഇ​വ​ർ മ​ട​ങ്ങു​ക​യു​ള്ളു. ഇ​ന്ത്യ​യു​ടെ സാം​സ്കാ​രി​ക വൈ​വി​ധ്യ​വും ച​രി​ത്ര​വും നേ​രി​ൽ ക​ണ്ട​റി​യു​ക​യാ​ണ് ഇ​വ​രു​ടെ ല​ക്ഷ്യം.

കൊ​ട​ക​ര മ​ര​ത്തോ​ന്പി​ള്ളി മ​ണ​പ്പെ​ട്ടി വീ​ട്ടി​ൽ ജ്യോ​തി​സ് ബാ​ബു​വി​ന്‍റെ മ​ക​ൻ കൃ​പേ​ഷ് , കോ​ടാ​ലി ക​രു​വാ​ൻ വീ​ട്ടി​ൽ മ​നോ​ഹ​ര​ന്‍റെ മ​ക​ൻ പ്ര​വീ​ണ്‍, മ​ണ്ണു​ത്തി വ​ള​പ്പി​ൽ ബെ​ന്നി​യു​ടെ മ​ക​ൻ ബെ​ൽ​വി​ൻ, കോ​ടാ​ലി തേ​മാ​ലി ഗ്രാ​മം തേ​വ​ർ​ക്കാ​ട്ടി​ൽ ഷ​ഹീ​റി​ന്‍റെ മ​ക​ൻ മു​ഹ​മ്മ​ദ് ഫ​സ​ൽ എ​ന്നി​വ​രാ​ണ് ബൈ​ക്കി​ൽ നാ​ടു​കാ​ണാ​ൻ പു​റ​പ്പെ​ട്ടി​രി​ക്കു​ന്ന​ത്. നാ​ലു​പേ​രും അ​ള​ഗ​പ്പ​ന​ഗ​ർ ത്യാ​ഗ​രാ​ജ പോ​ളി​ടെ​ക്നി​ക്കി​ൽ ഒ​രു​മി​ച്ചു പ​ഠി​ച്ച​വ​രാ​ണ്.

ഒ​രു വ​ർ​ഷം മു​ന്പാ​ണ് ഇ​ത്ത​ര​മൊ​രു മ​ഹാ​യാ​ത്ര​യു​ടെ ഐ​ഡി​യ ഇ​വ​ർ​ക്കു​ണ്ടാ​യ​ത്. ഇ​ന്ത്യ മു​ഴു​വ​ൻ ബൈ​ക്കി​ൽ ചു​റ്റി സ​ഞ്ച​രി​ക്കു​ക​യെ​ന്ന ഇ​വ​രു​ടെ ആ​ഗ്ര​ഹ​ത്തി​ന് വീ​ട്ടു​കാ​രു​ടെ പ്രോ​ത്സാ​ഹ​ന​വും പി​ന്തു​ണ​യും ല​ഭി​ച്ച​തോ​ടെ യാ​ത്ര​ക്കു​ള്ള ഒ​രു​ക്ക​ങ്ങ​ൾ മാ​സ​ങ്ങ​ൾ​ക്കു മു​ന്പേ ഇ​വ​ർ തു​ട​ങ്ങി.

യാ​ത്രാ ചി​ല​വി​നു​ള്ള പ​ണം വീ​ട്ടു​കാ​രെ ബു​ദ്ധി​മു​ട്ടി​ക്കാ​തെ സ്വ​ന്തം അ​ധ്വാ​ന​ത്തി​ലൂ​ടെ ക​ണ്ടെ​ത്ത​ണ​മെ​ന്ന് ഇ​വ​ർ തീ​രു​മാ​നി​ച്ചു. ഇ​തി​നാ​യി വി​വി​ധ ജോ​ലി​ക​ൾ ചെ​യ്ത് ഇ​വ​ർ ര​ണ്ടു​ല​ക്ഷം രൂ​പ​യോ​ളം സ​മാ​ഹ​രി​ച്ചു. ര​ണ്ടു ബൈ​ക്കു​ക​ളി​ലാ​യാ​ണ് ഇ​വ​രു​ടെ യാ​ത്ര.

വ​സ്ത്ര​ങ്ങ​ളും വെ​ള്ളം കൊ​ണ്ടു​പോ​കു​ന്ന​തി​നു​ള്ള കാ​നു​ക​ളും മ​റ്റും അ​ട​ങ്ങി​യ ബാ​ഗു​ക​ൾ സൂ​ക്ഷി​ക്കാ​നാ​യി ബൈ​ക്കി​ൽ പ്ര​ത്യേ​ക സ​ജ്ജീ​ക​ര​ണ​ങ്ങ​ളൊ​രു​ക്കി​യി​ട്ടു​ണ്ട്. ഇ​ന്നു രാ​വി​ലെ 9ന് ​കൊ​ട​ക​ര ഗാ​ന്ധി​ന​ഗ​റി​ൽ നി​ന്നാ​ണ് നാ​ൽ​വ​ർ സം​ഘം യാ​ത്ര ആ​രം​ഭി​ച്ച​ത്. ബാം​ഗ്ലൂ​രാ​ണ് ആ​ദ്യ ല​ക്ഷ്യം. തു​ട​ർ​ന്ന് മ​ഹാ​രാ​ഷ്ട്ര, ഗു​ജ​റാ​ത്ത്, രാ​ജ​സ്ഥാ​ൻ, ദി​ല്ലി, മ​ണാ​ലി എ​ന്നി​വി​ട​ങ്ങ​ളി​ലൂ​ടെ സ​ഞ്ച​രി​ച്ച് ല​ഢാ​ക്കി​ലെ​ത്തും.

ദി​ല്ലി​യി​ൽ തി​രി​ച്ചെ​ത്തി​യ ശേ​ഷം നേ​പ്പാ​ൾ, ഭൂ​ട്ടാ​ൻ രാ​ജ്യ​ങ്ങ​ളി​ൽ പ​ര്യ​ട​നം ന​ട​ത്തും. മ​ട​ങ്ങി​വ​രും വ​ഴി വ​ട​ക്കു കി​ഴ​ക്ക​ൻ സം​സ്ഥാ​ന​ങ്ങ​ളി​ലും ചു​റ്റി സ​ഞ്ച​രി​ക്കും. പി​ന്നീ​ട് കൊ​ൽ​ക്കൊ​ത്ത വ​ഴി ഓ​ഗ​സ്റ്റ് ആ​ദ്യം നാ​ട്ടി​ൽ തി​രി​ച്ചെ​ത്തു​ന്ന വി​ധ​ത്തി​ലാ​ണ് ഇ​വ​ർ യാ​ത്ര ആ​സൂ​ത്ര​ണം ചെ​യ്തി​ട്ടു​ള്ള​ത്. ര​ണ്ടു മാ​സം നീ​ളു​ന്ന സ​ഞ്ചാ​ര​ത്തി​നി​ടെ 17 സം​സ്ഥാ​ന​ങ്ങ​ളും ര​ണ്ട് അ​യ​ൽ രാ​ജ്യ​ങ്ങ​ളും ഇ​വ​ർ സ​ന്ദ​ർ​ശി​ക്കും.