ല​ഹ​രി​യി​ലേ​ക്ക് ഒരു “ലി​ഫ്റ്റ് ‘..! ബ​സി​ലും ന​ട​ന്നും പോ​കാ​ൻ മ​ടി​ച്ച് വാ​ഹ​ന​ങ്ങ​ളി​ൽ ലി​ഫ്റ്റ് ചോ​ദി​ച്ച് വി​ദ്യാ​ർ​ഥി​ക​ൾ  ചെന്നെത്തുന്നത് അ​പ​ക​ട​ത്തി​ലേ​ക്ക്; വിദ്യാർഥികളെ കുടുക്കാൻ ബൈക്കുമായി മാഫിയാ സംഘങ്ങളും

സ്വ​ന്തം ലേ​ഖ​ക​ൻ
കോ​ഴി​ക്കോ​ട്: ബ​സി​ലും ന​ട​ന്നും പോ​കാ​ൻ മ​ടി​ച്ച് വാ​ഹ​ന​ങ്ങ​ളി​ൽ ലി​ഫ്റ്റ് ചോ​ദി​ച്ച് വി​ദ്യാ​ർ​ഥി​ക​ൾ പോ​കു​ന്ന​ത് അ​പ​ക​ട​ത്തി​ലേ​ക്ക്. രാ​വി​ലെ​യും വൈ​കു​ന്നേ​ര​വും സ്കൂ​ൾ വി​ദ്യാ​ർ​ഥി​ക​ൾ വാ​ഹ​ന​ങ്ങ​ൾ​ക്ക് കൈ ​കാ​ണി​ച്ച് ലി​ഫ്റ്റ് ചോ​ദി​ക്കു​ന്ന​ത് കാ​ണാ​തെ ന​ഗ​ര​ത്തി​ൽ കൂ​ടി സ​ഞ്ച​രി​ക്കാ​ൻ ക​ഴി​യി​ല്ല. വാ​ഹ​ന​ങ്ങ​ളി​ൽ ലി​ഫ്റ്റ് ചോ​ദി​ച്ചു​ള്ള സ്കൂ​ൾ വി​ദ്യാ​ർ​ഥി​ക​ളു​ടെ യാ​ത്ര ചെ​ന്നെ​ത്തു​ന്ന​ത് വ​ൻ കെ​ണി​യി​ലേ​ക്കാ​ണെ​ന്ന് ചൈ​ൽ​ഡ് ഹെ​ൽ​പ് ലൈ​നി​ലെ ക​ണ​ക്കു​ക​ൾ സൂ​ചി​പ്പി​ക്കു​ന്നു.

ലി​ഫ്റ്റ് കൊ​ടു​ത്തു​ണ്ടാ​ക്കു​ന്ന സൗ​ഹൃ​ദം കു​ട്ടി​ക​ളെ ല​ഹ​രി​ക്ക് അ​ടി​മ​ക​ളാ​ക്കു​ന്നു. വി​ദ്യാ​ർ​ഥി​ക​ൾ ല​ഹ​രി സം​ഘ​ത്തി​ന്‍റെ വ​ല​യി​ലാ​കു​ന്നു. ലി​ഫ്റ്റ് യാ​ത്ര വി​ദ്യാ​ർ​ഥി​ക​ളു​ടെ ശാ​രീ​രി​ക​പീ​ഡ​ന​ത്തി​നും വ​ഴി​യൊ​രു​ക്കു​ന്നു​ണ്ട്. പ​തു​ക്കെ കു​ട്ടി​ക​ളു​ടെ വി​ശ്വാ​സം നേ​ടി​യെ​ടു​ത്ത് കു​ട്ടി​ക​ളെ ല​ഹ​രി​ക്ക​ടി​മ​യാ​ക്കു​ക​യും ലൈം​ഗീ​ക​മാ​യി ഉ​പ​യോ​ഗി​ക്കു​ക​യു​മാ​ണ് ഇ​വ​ർ ചെ​യ്യു​ന്ന​ത്.

ചൈ​ൽ​ഡ് ലൈ​നി​ൽ എ​ത്തു​ന്ന പ​രാ​തി​ക​ൾ പ്ര​കാ​ര​മു​ള്ള അ​ന്വേ​ഷ​ണ​ത്തി​ൽ വി​ദ്യാ​ർ​ഥി​ക​ളു​ടെ ല​ഹ​രി ഉ​പ​യോ​ഗ​വു​മാ​യി ബ​ന്ധ​പ്പെ​ട്ട 30 ശ​ത​മാ​നം കേ​സു​ക​ളും ഇ​ത്ത​രം “ലി​ഫ്റ്റ് സൗ​ഹൃ​ദ​’ങ്ങ​ളി​ൽ നി​ന്നാ​ണ് ഉ​ണ്ടാ​കു​ന്ന​തെ​ന്ന് ക​ണ്ടെ​ത്തി. ല​ഹ​രി വി​ൽ​പ്പ​ന​ക്കാ​ർ വി​ദ്യാ​ർ​ഥി​ക​ളു​മാ​യി സൗ​ഹൃ​ദ​മു​ണ്ടാ​ക്കാ​ൻ സ്കൂ​ൾ​സ​മ​യ​ങ്ങ​ളി​ൽ ഇ​രു​ച​ക്ര​വാ​ഹ​ന​വു​മാ​യെ​ത്തും.

സ്ഥി​ര​മാ​യി ലി​ഫ്റ്റ് ചോ​ദി​ക്കു​ന്ന​വ​രെ​യും ന​ട​ന്നു​പോ​കു​ന്ന വി​ദ്യാ​ർ​ഥി​ക​ളെ​യു​മാ​ണ് ഇ​വ​ർ ല​ക്ഷ്യ​മി​ടു​ന്ന​ത്. കു​ട്ടി​ക​ളെ ച​ങ്ങാ​തി​മാ​രാ​ക്കി ല​ഹ​രി​ക്ക് അ​ടി​മ​യാ​ക്കു​ക​യാ​ണ് ചെ​യ്യു​ന്ന​ത്. സ്കൂ​ളു​ക​ളി​ൽ ല​ഹ​രി ഉ​പ​യോ​ഗി​ക്കു​ന്ന​വ​രു​ടെ എ​ണ്ണം കൂ​ടി​വ​രു​ന്ന​തി​ന് പി​ന്നി​ൽ ഇ​ത്ത​രം സൗ​ഹൃ​ദ​മാ​ണ്. ക​ഞ്ചാ​വ് ഉ​പ​യോ​ഗ​ത്തി​ന്‍റെ പേ​രി​ലോ കൈ​വ​ശംവ​ച്ച​തി​നോ വി​ദ്യാ​ർ​ഥി​ക​ളെ പി​ടി​കൂ​ടി​യാ​ൽ കേ​സെ​ടു​ക്കു​ന്ന​ത് കു​റ​വാ​ണ്. ‌

മാ​താ​പി​താ​ക്ക​ളെ വി​ളി​ച്ചു​വ​രു​ത്തി പ​റ​ഞ്ഞ​യ​യ്ക്കു​ക​യാ​ണ് പ​തി​വ്. ഇ​തി​നാ​ലാ​ണ് ല​ഹ​രി ക​ച്ച​വ​ട​ക്കാ​ർ വി​ദ്യാ​ർ​ഥി​ക​ളെ ല​ക്ഷ്യ​മി​ടു​ന്ന​ത്. ആ​ണ്‍​കു​ട്ടി​ക​ളു​ടെ ശാ​രീ​രി​ക​പീ​ഡ​ന പ​രാ​തി​ക​ളി​ൽ 18 ശ​ത​മാ​ന​വും ഇ​ത്ത​രം സൗ​ഹൃ​ദം വ​ഴി​യു​ണ്ടാ​കു​ന്ന​താ​ണെ​ന്ന് ക​ണ​ക്കു​ക​ൾ സൂ​ചി​പ്പി​ക്കു​ന്നു.

യാ​ത്ര​ചി​ല​വി​ന് ര​ക്ഷി​താ​ക്ക​ൾ ന​ൽ​കു​ന്ന പ​ണം മ​റ്റാ​വ​ശ്യ​ങ്ങ​ൾ​ക്ക് ഉ​പ​യോ​ഗി​ച്ച് ലി​ഫ്റ്റ് ചോ​ദി​ക്കു​ന്ന കു​ട്ടി​ക​ളു​മു​ണ്ട്. കു​ട്ടി​ക​ളു​ടെ ലി​ഫ്റ്റ് ചോ​ദി​ക്ക​ലി​ൽ പ​തി​യി​രി​ക്കു​ന്ന വ​ലി​യ അ​പ​ക​ടം തി​രി​ച്ച​റി​ഞ്ഞ് കു​ട്ടി​ക​ൾ​ക്ക് ഇ​തി​ന്‍റെ ദൂ​ശ്യ​ഫ​ല​ങ്ങ​ൾ പ​റ​ഞ്ഞു​കൊ​ടു​ത്ത് ബോ​ധ​വ​ൽ​ക്ക​രി​ക്കു​ക​യും കു​ട്ടി​ക​ൾ ന​ല്ല യാ​ത്രാ​മാ​ർ​ഗ​ങ്ങ​ൾ ഉ​പ​യോ​ഗി​ക്കു​ന്നു എ​ന്ന് ര​ക്ഷി​താ​ക്കാ​ളും അ​ധ്യാ​പ​ക​രും പോ​ലി​സു​കാ​രും ചേ​ർ​ന്ന് ഉ​റ​പ്പ് വ​രു​ത്തു​ക​യും ചെ​യ്യ​ണ​മെ​ന്ന് ചൈ​ൽ​ഡ് ഹെ​ൽ​പ് ലൈ​ൻ അ​ധി​കൃ​ത​ർ പ​റ​യു​ന്നു.