വാ​ഹ​ന സ​ര്‍​വീ​സിം​ഗി​ല്‍ വ​ന്‍ കൊ​ള്ള; നിസഹായരായി ഉപഭോക്താക്കൾ; ഓ​യി​ല്‍ മാ​റ്റു​ന്ന​തി​ലും വെ​ട്ടി​പ്പ് ന​ട​ക്കു​ന്നു​ണ്ടെ​ന്ന് ആ​രോ​പ​ണം

സ്വ​ന്തം​ ലേ​ഖ​ക​ന്‍

കോ​ഴി​ക്കോ​ട്: വാ​ഹ​ന സ​ര്‍​വീ​സിം​ഗ് മേ​ഖ​ല​യി​ല്‍ വ​ന്‍​ കൊ​ള്ള. കാ​ര്‍, ബൈ​ക്ക് വാ​ഹ​ന​ങ്ങ​ളു​ടെ സ​ര്‍​വീ​സിം​ഗ് മേ​ഖ​ല​യി​ലാ​ണ് ഉ​പ​ഭോ​ക്താ​ക്ക​ളെ വ​ന്‍ തോ​തി​ല്‍ ത​ട്ടി​പ്പി​നി​ര​യാ​ക്കു​ന്ന​ത്. ത​ട്ടി​പ്പ് ക​ണ്ടെ​ത്താ​ന്‍ ക​ഴി​യാ​തെ ഉ​പ​ഭോ​ക്താ​ക്ക​ള്‍ നി​സ​ഹാ​യ​രാ​വു​ന്ന​തി​നാ​ൽ സ​ര്‍​വീ​സിം​ഗ് മേ​ഖ​ല​യി​ലെ ത​ട്ടി​പ്പു​കാ​ര്‍ അ​നു​ദി​നം ത​ഴ​ച്ചു വ​ള​രു​ക​യാ​ണ്. അ​തേ​സ​മ​യം, യ​ഥാ​വി​ധി സ​ര്‍​വീ​സിം​ഗ് ന​ട​ത്തു​ന്ന സ്ഥാ​പ​ന​ങ്ങ​ള്‍​ക്ക് ചി​ല ക​ള്ള​നാ​ണ​യ​ങ്ങ​ള്‍ ചീ​ത്ത​പ്പേ​രു​ണ്ടാ​ക്കു​ന്ന​താ​യി ഈ ​മേ​ഖ​ല​യി​ലു​ള്ള​വ​ർ​ത​ന്നെ പ​റ​യു​ന്നു.

വാ​ഹ​ന​ങ്ങ​ളു​ടെ ഓ​യി​ല്‍ മാ​റ്റ​വു​മാ​യി ബ​ന്ധ​പ്പെ​ട്ടാ​ണ് വ​ന്‍​തോ​തി​ല്‍ ത​ട്ടി​പ്പു​ക​ള്‍ ന​ട​ത്തു​ന്ന​തെ​ന്നാ​ണ് ഉ​പ​ഭോ​ക്താ​ക്ക​ളി​ല്‍ നി​ന്നു​യ​രു​ന്ന ആ​രോ​പ​ണം. ബൈ​ക്കി​ന്‍റെ​യും കാ​റി​ന്‍റെ​യും ഓ​യി​ല്‍ മാ​റ്റു​ന്ന​തി​നാ​യി സ​ര്‍​വീ​സിം​ഗ് സെ​ന്‍റ​റി​ല്‍ ഏ​ല്‍​പ്പി​ച്ച് ഉ​പ​ഭോ​ക്താ​ക്ക​ള്‍ പോ​വു​ക​യാ​ണ് പ​തി​വ്.

മ​ണി​ക്കൂ​റു​ക​ള്‍​ക്കു ശേ​ഷം ഓ​യി​ല്‍ മാ​റ്റി​ക​ഴി​ഞ്ഞാ​ലാ​ണ് സ​ര്‍​വീ​സിം​ഗ് സെ​ന്‍റ​റി​ല്‍ നി​ന്നും വി​ളി​ച്ച​റി​യി​ക്കു​ക. ഇ​പ്ര​കാ​രം എ​ത്തു​ന്ന ഉ​പ​ഭോ​ക്താ​വ് ബി​ല്ല് അ​ട​ച്ച് വാ​ഹ​ന​വു​മാ​യി പോ​വും. ഓ​യി​ല്‍ പൂ​ര്‍​ണ​മാ​യും മാ​റ്റി​യി​ട്ടു​ണ്ടോ​യെ​ന്ന​തു​ള്‍​പ്പെ​ടെ​യു​ള്ള കാ​ര്യം ഒ​രു ഉ​പ​ഭോ​ക്താ​വും പ​രി​ശോ​ധി​ക്കാ​റി​ല്ല.

വി​വി​ധ ത​രം ക​മ്പ​നി​ക​ളു​ടെ ഓ​യി​ലു​ക​ള്‍ വി​പ​ണി​യി​ല്‍ സു​ല​ഭ​മാ​ണ്. വി​ല​കൂ​ടി​യ​തും കു​റ​ഞ്ഞ​തു​മാ​യ ക​മ്പ​നി​ക​ളു​ടെ ഓ​യി​ലു​ക​ള്‍ വാ​ഹ​ന​ത്തി​ന് ഉ​പ​യോ​ഗി​ക്കാ​റു​ണ്ട്. വി​ല​കു​റ​ഞ്ഞ ഓ​യി​ല്‍ വാ​ഹ​ന​ങ്ങ​ളി​ല്‍ ഒ​ഴി​ച്ച് വി​ല കൂ​ടി​യ ഓ​യി​ലി​ന്‍റെ വി​ല ഈ​ടാ​ക്കു​ന്ന​തി​നും പ​ല​പ്പോ​ഴും സ​ര്‍​വീ​സിം​ഗ് സെ​ന്‍റ​റു​ക​ള്‍​ക്ക് അ​വ​സ​രം ല​ഭി​ക്കു​ന്ന​താ​യി പ​റ​യു​ന്നു.

സ്ഥി​രം പാ​ർ​ട്സു​ക​ൾ വാ​ങ്ങു​ന്ന ക​ട​ക​ളി​ൽ​നി​ന്ന് പ​റ​യു​ന്ന തു​ക​യ്ക്കു​ള്ള ബി​ല്ലും ല​ഭി​ക്കു​മെ​ന്ന​തി​നാ​ൽ ത​ട്ടി​പ്പ് നി​ർ​ബാ​ധം തു​ട​രു​ന്നു. അ​തേ​സ​മ​യം ഇ​ത്ത​ര​ത്തി​ല്‍ സ​ര്‍​വീ​സിം​ഗ് ക​മ്പ​നി​ക​ള്‍ ഓ​യി​ല്‍ മാ​റ്റു​ന്ന​തി​ല്‍ ത​ട്ടി​പ്പ് ന​ട​ത്തു​ന്നു​ണ്ടെ​ന്ന​തി​ന് യാ​തൊ​രു തെ​ളി​വും ഉ​പ​ഭോ​ക്താ​വി​ന് ഹാ​ജ​രാ​ക്കാ​നാ​വി​ല്ല.

അ​തി​നാ​ല്‍ ത​ന്നെ സ​ര്‍​വീ​സിം​ഗ് സെ​ന്‍റ​റു​ക​ള്‍​ക്കെ​തി​രേ ഉ​പ​ഭോ​ക്തൃ കോ​ട​തി​യി​ല്‍ പോ​ലും പ​രാ​തി ന​ല്‍​കാ​ന്‍ ക​ഴി​യാ​ത്ത അ​വ​സ്ഥ​യാ​ണു​ള്ള​ത്. ഇ​ക്കാ​ര്യ​ത്തി​ല്‍ പോ​ലീ​സി​നും ന​ട​പ​ടി​യെ​ടു​ക്കാ​ന്‍ സാ​ധി​ക്കി​ല്ല. സ​ര്‍​വീ​സിം​ഗ് മേ​ഖ​ല​യി​ല്‍ സു​താ​ര്യ​ത ഉ​റ​പ്പു​വ​രു​ത്ത​ണ​മെ​ന്നാ​ണ് പ​ല​രു​ടേ​യും അ​ഭി​പ്രാ​യം. ഇ​തി​നാ​യി വാ​ഹ​ന​ത്തി​ന്‍റെ ഓ​യി​ല്‍ മാ​റ്റു​ന്ന​ത് ഉ​പ​ഭോ​ക്താ​വി​ന് നേ​രി​ല്‍ കാ​ണാ​നു​ള്ള സൗ​ക​ര്യം സ​ര്‍​വീ​സിം​ഗ് ക​മ്പ​നി​ക്കാ​ര്‍ ഒ​രു​ക്ക​ണ​മെ​ന്നാ​ണ് ആ​വ​ശ്യം.

ഓ​യി​ല്‍ മാ​റ്റ​ത്തി​നു പു​റ​മേ സ്‌​പെ​യ​ര്‍​പാ​ട്‌​സ് മേ​ഖ​ല​യി​ലും ത​ട്ടി​പ്പു ന​ട​ക്കു​ന്നു​ണ്ട്. പ​ഴ​യ മോ​ഡ​ല്‍ കാ​റി​ന്‍റെ സ്‌​പെ​യ​ര്‍​പാ​ർ​ട്‌​സി​ന് ക്ഷാ​മ​മു​ണ്ടെ​ന്ന് വ​രു​ത്തി തീ​ര്‍​ത്താ​ണ് ത​ട്ടി​പ്പ് ന​ട​ക്കു​ന്ന​ത്. കാ​റി​ന്‍റെ ഔ​ദ്യോ​ഗി​ക ക​മ്പ​നി ഇ​ടാ​ക്കു​ന്ന വി​ല​യേ​ക്കാ​ള്‍ കൂ​ടു​ത​ല്‍ തു​ക​യാ​ണ് ഡ്യൂ​പ്ലി​ക്കേ​റ്റ് പാ​ർ​ട്സി​ന് പോ​ലും സ്‌​പെ​യ​ര്‍ പാ​ർ​ട്‌​സ് മേ​ഖ​ല​യി​ല്‍ ഈ​ടാ​ക്കു​ന്ന​ത്. ഇ​ത്ത​ര​ത്തി​ല്‍ വാ​ങ്ങു​ന്ന സാ​ധ​ന​ങ്ങ​ള്‍​ക്ക് ബി​ല്ല് ന​ല്‍​കാ​നും ക​ട​യു​ട​മ​ക​ള്‍ ത​യാ​റാ​വു​ന്നി​ല്ല.

ബി​ല്ല് ന​ല്‍​കു​മ്പോ​ള്‍ ജി​എ​സ്ടി നി​ര​ക്ക് കൂ​ടി കൂ​ടു​മെ​ന്ന് പ​റ​ഞ്ഞാ​ണ് ഇ​വ​ര്‍ ത​ട്ടി​പ്പു ന​ട​ത്തു​ന്ന​ത്. പാ​ട്സു​ക​ൾ യ​ന്ത്ര​ഭാ​ഗ​ങ്ങ​ളു​ടെ ഉ​ള്ളി​ലാ​യ​തി​നാ​ൽ അ​വ മാ​റ്റി​യോ എ​ന്നു​പോ​ലും ക​ണ്ടെ​ത്താ​നാ​വി​ല്ലെ​ന്ന് വാ​ഹ​ന​ഉ​ട​മ​ക​ൾ പ​റ​യു​ന്നു.