തുറവുർ: നിയമങ്ങൾ കാറ്റിൽപ്പറത്തി തീരദേശ റോഡിലൂടെ ബൈക്കുകൾ ചീറിപ്പായുന്നു. ചെല്ലാനം – അന്ധകാരനഴി – തൈക്കൽറോഡ്,പള്ളിത്തോട് – ചാവടി റോഡ് എന്നിവിടങ്ങളിലാണ് ബൈക്കുകളുടെ അമിത വേഗത്തിലുള്ള യാത്ര.
ഹെൽമറ്റ്, ഡ്രൈവിങ്ങ് ലൈസൻ സ് ഇവ ഒന്നുമില്ലാതെ നിരവധി ഇരുചക്രവാഹനങ്ങളാണ് തീരദേശ റോഡിലൂടെ അമിത വേഗത്തിൽ ചീറിപ്പായുന്നത്.
കൂടാതെ മയക്കുമരുന്ന് ഉപയോഗിച്ച ശേഷം യു വാക്കളുടെ ബൈക്ക് അഭ്യാസം ജനങ്ങളുടെ ഉറക്കം കെടുത്തുന്നു. തീരദേശ റോഡിൽ പള്ളിത്തോട് ഭാഗത്താണ് യുവാക്കളുടെ ബൈക്കിലെ ആഭ്യസ പ്രകടനം.
രാത്രിയും പകലും അമിത ശബ്ദത്തിലും വേഗത്തിലുമാണ് ബൈക്കുകളുടെ പാച്ചിൽ .രാത്രി എട്ടുമണി മുതൽ അർത്ഥ രാത്രി വരെയാണ് ഇവരുടെ മുഖ്യ അഭ്യാസം .
അമിത ശബ്ദം മൂലം കുഞ്ഞുകുട്ടികൾ നെട്ടി ഉണരുന്ന അവസ്ഥയാണ്.ഇവരുടെ അമിതവേഗം മുലം മറ്റു വാഹനങ്ങളിലെ യാത്രക്കാരും കാൽനടയാത്രക്കാരും വളരെ ഭയത്തോടെയാണ് യാത്ര ചെയ്യുന്നത്.
തീരദേശമേഖലയിൽ പോലീസ് പട്രോളിങ്ങും ,വാഹന പരിശോധനയും ശക്തമാക്കണമെന്ന ആവശ്യം ഉയരുന്നു.
