തിരുവല്ല: മകനെ കൊലപ്പെടുത്തിയെന്നാരോപിച്ച് പിതാവിനെതിരെ കോയിപ്രം പോലീസ് രജിസ്റ്റർ ചെയ്ത കേസിൽ പിതാവ് കുറ്റക്കാരനല്ലെന്ന് കണ്ട് കോടതി വെറുതെ വിട്ടു.പുറമറ്റം വില്ലേജിൽ, വാലാങ്കര മുള്ളൻകുഴിക്കൽ വീട്ടിൽ ബിജി മാത്യുവിനെ (34) കോടാലിയുടെ മാടു കൊണ്ട് തലയ്ക്ക് അടിച്ചു കൊലപ്പെടുത്തി എന്നാരോപിച്ചാണ് പിതാവ് ജോൺ മാത്യുവിനെ പ്രതിയാക്കി പോലീസ് എടുത്തത്.
നാല് വർഷം നീണ്ടുനിന്ന വിചാരണയ്ക്കു ശേഷം പത്തനംതിട്ട അഡീഷനൽ സെഷൻസ് കോടതിയാണ് പിതാവിനെ വെറുതെ വിട്ടത്.2015 ജനുവരി 14നാണ് കേസിനാസ്പദമായ സംഭവം. മദ്യപിച്ചെത്തിയ ബിജി മാതാപിതാക്കളോടു വഴക്കിടുകയും ഉപദ്രവിക്കാൻ ശ്രമിക്കുകയും ചെയ്തപ്പോൾ ബിജിയുടെ പിതാവ് വീട്ടിലുണ്ടായിരുന്ന കൈക്കോടാലി എടുത്ത് ബിജിയുടെ തലയിലും മുഖത്തും അടിച്ച് കൊലപ്പെടുത്തി എന്നായിരുന്നു കേസ്.
വീട്ടുകാരും അയൽവാസികളും ഡോക്ടർമാരും പോലീസ് ഉദ്യോഗസ്ഥരും ഉൾപ്പെടെ 28 ഓളം സാക്ഷികൾ ഉണ്ടായിരുന്ന കേസിലാണ് കോടതി വിധി പ്രസ്താവിച്ചത്.
