ന​വം​ബ​ർ-​ഡി​സം​ബ​ർ മാ​സ​ങ്ങ​ളി​ൽ വെ​ടി​പൊ​ട്ടി​ച്ചാ​ൽ ചി​ല​പ്പോ​ൾ ബി​രി​യാ​ണി കി​ട്ടി​യാ​ലോ​യെ​ന്ന് ശോ​ഭ പ​റ​ഞ്ഞു; ക​ള്ള​പ്പ​ണ​ത്തി​ൽ നി​ന്ന് സു​രേ​ന്ദ്ര​ൻ പോ​ക്ക​റ്റി​ലാ​ക്കി​യ് ഒ​രുകോ​ടി

തൃ​ശൂ​ർ: സി​പി​എം ത​ന്നെ വി​ല​യ്ക്കെ​ടു​ത്തെ​ന്ന ആ​രോ​പ​ണം ത​ള്ളി ബി​ജെ​പി​യു​ടെ മു​ൻ തൃ​ശൂ​ർ ഓ​ഫീ​സ് സെ​ക്ര​ട്ട​റി തി​രൂ​ർ സ​തീ​ഷ്. ക​ള്ള​പ്പ​ണ​ക്കാ​രു​മാ​യി ബി​ജെ​പി സം​സ്ഥാ​ന അ​ധ്യ​ക്ഷ​ന് എ​ന്താ​ണു ബ​ന്ധ​മെ​ന്നും സ​തീ​ഷ് ചോ​ദി​ച്ചു.

ബു​ദ്ധി​മു​ട്ടു​ണ്ടെ​ങ്കി​ൽ ആ​രി​ൽ​നി​ന്നെ​ങ്കി​ലും പ​ണം ക​ടം​മേ​ടി​ക്കു​മെ​ന്നും ആ​ർ​ക്കും ത​ന്നെ വി​ല​യ്ക്കു​വാ​ങ്ങാ​ൻ ക​ഴി​യി​ല്ലെ​ന്നും സ​തീ​ഷ് മാ​ധ്യ​മ​ങ്ങ​ളോ​ടു പ​റ​ഞ്ഞു. “കോ​ഴി​ക്കോ​ട്ടു​നി​ന്നു കൊ​ണ്ടു​വ​ന്ന ക​ള്ള​പ്പ​ണ​ത്തി​ൽ ഒ​രു കോ​ടി സു​രേ​ന്ദ്ര​ൻ അ​ടി​ച്ചു​മാ​റ്റി​യെ​ന്ന് ധ​ർ​മ​രാ​ജ​ൻ എ​ന്നോ​ടു പ​റ​ഞ്ഞി​ട്ടു​ണ്ട്.

30 വ​ർ​ഷ​മാ​യി ബി​ജെ​പി പ്ര​വ​ർ​ത്ത​ക​നാ​ണ്. പാ​ർ​ട്ടി​പ്ര​വ​ർ​ത്ത​നം ന​ട​ത്തി​യ​തി​ന്‍റെ പേ​രി​ലു​ള്ള കേ​സു​ക​ളാ​ണ് എ​നി​ക്കെ​തി​രേ​യു​ള്ള​ത്. വ്യ​ക്തി​പ​ര​മാ​യ കേ​സു​ക​ളി​ല്ല. എ​ന്നാ​ൽ, എ​ല്ലാ​വ​രു​ടെ​യും ക​ള്ള​പ്പ​ണം ഇ​ട​പാ​ടു​ക​ളും പാ​ർ​ട്ടി​യെ വ​ഞ്ചി​ച്ച വി​വ​ര​ങ്ങ​ളും അ​റി​യാം. ഇ​വ പു​റ​ത്തു​വി​ടും’’- സ​തീ​ഷ് പ​റ​ഞ്ഞു.

ശോ​ഭ സു​രേ​ന്ദ്ര​ൻ തി​ടു​ക്ക​പ്പെ​ട്ടു​ന​ട​ത്തി​യ പ​ത്ര​സ​മ്മേ​ള​ന​ത്തെ​യും സ​തീ​ഷ് ത​ള്ളി. “അ​വ​രു​ടെ പേ​ര് മാ​ധ്യ​മ​ങ്ങ​ൾ​ക്കു​മു​ന്പി​ൽ പ​റ​ഞ്ഞി​ട്ടി​ല്ല. ആ​രെ തൃ​പ്തി​പ്പെ​ടു​ത്താ​നാ​ണ് ശോ​ഭ ക​ള്ളം​പ​റ​യു​ന്ന​ത്? ശോ​ഭ​യെ പാ​ർ​ട്ടി​യു​ടെ ജി​ല്ലാ ഓ​ഫീ​സി​ൽ ക​ട​ത്ത​രു​തെ​ന്നു പ​റ​ഞ്ഞ​യാ​ളാ​ണ് തൃ​ശൂ​ർ ജി​ല്ലാ അ​ധ്യ​ക്ഷ​ൻ അ​നീ​ഷ്കു​മാ​ർ.

പ​ത്ര​സ​മ്മേ​ള​നം ന​ട​ത്താ​ൻ വ​രി​ക​യാ​ണെ​ങ്കി​ൽ അ​ക​ത്തു​ക​ട​ത്ത​രു​ത്, മു​റി പൂ​ട്ടി​യി​ട്ടോ എ​ന്നു പ​റ​ഞ്ഞി​ട്ടു​ണ്ട്. സം​സ്ഥാ​ന വൈ​സ് പ്ര​സി​ഡ​ന്‍റാ​യ അ​വ​രോ​ട് ഓ​ഫീ​സി​ലേ​ക്കു ക​ട​ക്ക​രു​ത് എ​ന്നു​പ​റ​യാ​ൻ എ​നി​ക്കു സാ​ധി​ക്കി​ല്ലെ​ന്നു പ​റ​ഞ്ഞു. ശോ​ഭ പ​റ​ഞ്ഞി​ട്ട​ല്ല ഞാ​ൻ ആ​രോ​പ​ണം ഉ​ന്ന​യി​ച്ച​ത്.

പ​ക്ഷേ, ന​വം​ബ​ർ-​ഡി​സം​ബ​ർ മാ​സ​ങ്ങ​ളി​ൽ പ​റ​ഞ്ഞാ​ൽ എ​നി​ക്കു ഗു​ണ​മു​ണ്ടാ​കു​മെ​ന്ന് അ​വ​ർ പ​റ​ഞ്ഞി​ട്ടു​ണ്ട്. ചി​ല​പ്പോ​ൾ ബി​രി​യാ​ണി കി​ട്ടി​യാ​ലോ എ​ന്നാ​ണ് അ​വ​ർ പ​റ​ഞ്ഞ​ത്. അ​തി​ന്‍റെ അ​ർ​ഥം ബി​ജെ​പി സം​സ്ഥാ​ന അ​ധ്യ​ക്ഷ​പ​ദ​വി​യാ​ണെ​ന്നാ​ണു ഞാ​ൻ മ​ന​സി​ലാ​ക്കു​ന്ന​ത്.

2021 ഏ​പ്രി​ൽ ര​ണ്ടി​നു ചാ​ക്കു​ക​ളാ​യി ഓ​ഫീ​സി​ൽ ധ​ർ​മ​രാ​ജ​ൻ എ​ത്തി​ച്ച​തു പ​ണ​മാ​യി​രു​ന്നെ​ന്നു​മാ​ത്ര​മേ ഞാ​ൻ പ​റ​ഞ്ഞി​ട്ടു​ള്ളൂ. ഇ​ത് എ​ത്ര​യെ​ന്നും എ​ന്തു ചെ​യ്തെ​ന്നും ബാ​ക്കി പ​ണ​മു​ണ്ടാ​യി​രു​ന്നോ എ​ന്നും ഞാ​ൻ പ​റ​ഞ്ഞി​ട്ടി​ല്ല.

പ​ണം ഓ​ഫീ​സി​ൽ എ​ത്തി​ച്ചെ​ന്നു പ​റ​ഞ്ഞ​പ്പോ​ൾ​ത​ന്നെ ജി​ല്ലാ അ​ധ്യ​ക്ഷ​നും സം​സ്ഥാ​ന അ​ധ്യ​ക്ഷ​നും വ്യ​ക്തി​ഹ​ത്യ ന​ട​ത്തു​ന്ന രീ​തി​യി​ലാ​ണ് ആ​രോ​പ​ണ​മു​ന്ന​യി​ച്ച​ത്. എ​ത്ര പ​ണം വ​ന്നു, ആ​രൊ​ക്കെ ഉ​പ​യോ​ഗി​ച്ചു എ​ന്നു വെ​ളി​പ്പെ​ടു​ത്തി​യാ​ൽ ഒ​രു​പാ​ടു കാ​ര്യ​ങ്ങ​ൾ പ​റ​യേ​ണ്ടി​വ​രും- സ​തീ​ഷ് കൂ​ട്ടി​ച്ചേ​ർ​ത്തു.